《漢南夏日》- 學院派少女日記

 

講句你或覺得廢到唔廢的話：導演韓帥是個女人，所以佢要拍一套女性電影。但主角係女生未必係《漢南夏日》 (Summer blur) 側重，韓似想強調的是她是個學院派。

 

以商業角度看此片係唔易入口：飾主角楊果的黃天係個叫人唔得閒注目多兩眼的女孩，這相對於《花與愛麗絲》時的蒼井優或《過春天》的黃堯，韓唔單止係現實主義，重要挑釁男觀眾叫嚷唔該你地醒下睇清楚：這才是真實的少女；韓在讀大學時研究，事實亦想仿婁燁，就時而有叫人看不清楚的鏡頭：這多在於楊果和表妹的衝突，用手搖並近鏡鏡頭，且時而在黑暗中拍攝，像唔想講得太清楚過你聽。

 

韓亦認秘密係這片的一個論題 - 楊果自覺累死了男朋友小滿：但在大人角度，小滿的死與她根本沒直接關係。講得難聽：這國度裡人命本來就不太值錢，正如小滿母親，開頭呼天搶地，一排後就再沒當回事，叫楊愧疚也不解。韓說這表現大人小孩之間常互相看不透，也似側面反映單純正直的人似難適應這複雜國度。

 

韓說這套實是女性成長故事：楊果因應身邊環境而如何決擇，有趣的是她對大多數男女都睇唔順眼：她不甘籬下於討厭的姨媽 (龔蓓苾)，卻又覺母親做作假惺惺，更不知所措小滿母親的善待，最後唯欲拒還迎於表妹。全片都係鼓猜疑氣氛，或流露這國度的社會現實。雖公允講姨媽只叫係冷漠，沒怎渲染，或者現實就係現實。

 

或最叫人唔順超的係戲裡男人多是廢柴，尤其單戀楊果的男生 (張新園) 表現得又毒又痴漢，似一無是處卻想被楊視為僅有選擇，當然比楊叫收皮。韓或想講父權都係霸王硬上弓，既然現實係軟弱無能，也注定硬不起來。女生就是趁此，才可找到自己的方向。

 

總之《漢南夏日》就似一本少女日記，只碎碎念每日的事，還要態度係理西你感受，只要我自己high就好。你諷這就是所謂的學院派，韓帥亦可能反窒：這如十多歲的楊果 - 正值反叛期，我只係遵照現實而表露現實啫，何惡之有呢？