《烏海》- 死唔去才最絕望

 

現在才知周子陽是內蒙古人，但仍覺得其兩套作品都選在內蒙去拍唔止係情意結。

 

早幾年內蒙持著礦產發起大財，《老獸》講的鄂爾多斯就是，《烏海》（Wuhai）這座煤礦大城更是。但中國人就係唔知咩叫可持續，有錢唔著實發展其他產業，更唔會發展心靈。於是礦產一掘空，暴發戶慣的人突然不知所措。

 

周兩套都係講家庭崩潰，上一套還可賴廢老該死，這一套就擺明係錢作怪：楊華(黃軒) 有時還叫作老好人，但好人都會欠債，亦如是但一個女生都會。女生說唔想因沒有I phone被朋友睇低而借起錢去買，正如楊唔想被外父睇唔起而去投資卻失利 - 心靈空虛的國人們就只知用錢裝扮自己，沒有錢沒有面子就甚麼都不是，於是只要搞定了錢露出胸部當等閒，祼照發通街時只好丟命是常識。

 

楊華和妻子苗唯 (楊子姍) 在家的五分鐘爭吵係重要的承，周說他們三人討論了兩次彼此的感情經歷才拍出這段，但爭吵內容不斷徘徊在「你手機裡的相是甚麼？」「你那個又是誰？」，就像《The room》的「I own some money」「What kind of money？」但唔係在諷周拍爛，反而一直以為Tommy Wiseau洞悉到城市愛情就如此乏味無聊，結果來到周子陽就被證實，更沒內涵的人，就只好徘徊此困局無法突圍。

 

結局係楊推苗落山再叫公安來自首，但苗卻被救回：楊就是想在監獄或刑場了結一切，豈料妻子死唔去意味婚姻仍未玩完：本如《老獸》般及早了結個無可救藥去重新出發還好，但《烏海》卻係吊命著繼續爛透，才是叫人最絕望。周子陽現還在內蒙，說下一套才或會走出，但顯然他看透的老早就出了內蒙。