這套港產特別在導演係新加坡人：喜劇天王李國煌。搞喜劇其實也講究風土，新加坡係比香港保守，稍為大膽或也叫那裡觀眾過癮，但同樣尺度搬到香港，觀眾就嫌你只過得咁多。
《冥通銀行特約：翻生爭霸戰》（Hell Bank Presents: Running Ghost）茄哩啡數到場景等都算落本，尤其搵到架熱狗巴士給港人懷念，對白等沒甚麼水土不服，或者係冥通銀行本來就華人世界通行。只係過癮度而言，開頭還算嚇到一嚇，跟著的扮閃靈還是打格仔的蛋蛋，香港人都覺得係小兒科。
其實要講悶位也是較多：仲叫黃又南強充廿歲人還不如叫顧定軒擔正；又南如夢初醒只係自作多情，情景似如《女皇撞到正》；重要係凡年輕男人都被定係廢青，因你只識鋪光纖還是讀個名校都頂唔順自殺，又似肆意眨低後生仔。
又南會問努力嚇鬼別人去翻生有乜意義，原本有意思之題，答案卻遺憾地係繼續談情說愛。或者電影拍攝於太平時代，假若正是場景外仿如地獄之時開拍，李國煌還真好意思講得這麼幼稚。你或會話喜劇就是叫人從現實放鬆不用那麼嚴呵，我只想起由上至今年無數年輕被打到頭破殘廢甚至坐牢喪命，只因他們都上了大人唔敢上的前線，今日有丁點羞恥心的大人看到港青被說是廢又真敢於開懷？
我相信若真有翻生爭霸戰，翻生目的就係要向暴政報仇，但相信李國煌知道這樣都唔會如此拍，因為他來自新加坡。
沒有留言:
張貼留言