《飢俄人妻》 - 假好戰真吹漲

俄羅斯被稱為戰鬥民族，香港賣電影的還真識起名：Fidelity改叫《飢俄人妻》 (妮基娜沙夫伊瓦導)，突出俄字叫人以為激戰連場。但醒少少都知戰鬥民族其實浪得虛名，常挑機卻唔係常勝將軍，就係日本仔都贏到過佢。

 

電影最大賣點當然係伊妮亞歌莫娃：外表真叫件最強兵器，但八十二分長片長，戰鬥場面夾夾埋埋都唔夠十分鐘。點解話日本仔都會贏到？就係粉紅電影起碼十分鐘幹一次起碼可睇夠七八次。雖然你夠寸可窒只為睇幹還不如返屋企睇AV，但你寸前唔好唔記得海報大字寫著「你能滿足她嗎？」喂得個兩三鋪邊個都滿足唔到啦下話？

 

當你以為今鋪會被告違反商品說明條例，諗住收返哂嘩眾取寵的宣傳時，先知一收應該仲大擠：係講一件人妻見其夫唔點同佢做，以為佢另有新歡，於是周圍搵人搞野報復 (仲要搵得兩個)，之後才知根本係杞人憂天，最尾係戇鳩招禍的女人卻被老公寬大原諒，沒啥後果 - 男觀眾都覺得吹鳩漲的故事，就係拿劇本給葉念琛，相信佢都唔會好意思去拍。

 

你會覺得小弟的文字似充滿著怨怒：《飢俄人妻》的確唔同以往只需恥笑的爛片 - 係一套由主角到故事都睇到叫你啤一聲的戲。你又會潤話誰叫你唔睇清楚導演是個女人：一味只用下體來思考，冷不防就給人在你思考的地方用手指輕輕一彈。