《死因無可疑》 - 犯法就係黃秋生，除非你係林嘉欣

袁劍偉又來賣老婆，或知已成其妻而失女友感覺的林嘉欣似唔太好賣，唯有再想法嘩眾取寵：嫌《黑暗之家》太簡單，於是就叫《死因無可疑》(Declared Legally Dead)。當然會被指掛羊頭賣狗肉，袁該真心勢估不到，此片解封上映之時，片名會有那一種含義。 

  

理應早就知電影公司叫英皇  -  不嬲都討厭政治，又怎會拍出那種意思？片裡差佬真係懶做沒陰謀，陳家樂又係本來懶好人保險佬，但跟著原是差佬做的事他卻爭著做，說是童年陰影又似沒事找事講。你說電影似沒明確主旨又唔係：袁想討論的是暈輪效應（halo effect）-  說是人對別人的認知判斷往往只從局部出發先入為主（可另參考栗山千明出演之日劇《行動心理搜查官楯岡繪麻2 》第3集）。返到這電影裡搵解釋，就係似會整人肉叉燒包的黃秋生實係殺仔呃保險，可憐巴巴的林嘉欣梗會係下一個受害人。 

更甚者袁似質疑香港地是否變了個「母系社會」：周家怡話林嘉欣雖盲眼斷腳，卻又選擇更爛的黃秋生，作為女人的周竟沒聽過收兵好過嫁人，跟住加入湯怡講犯罪人格先將“奴隸”這詞畫出腸。還唔止係低能人才淪為奴，陳家樂擺明就係懶正直，最後見擺明係低能人的黃秋生就毫無憐憫，話其童年陰影係亂入，因係來掩飾其實見係林嘉欣所以同情林嘉欣。 

男人不自覺當了兵卻又介意被當兵，只因做兵就會低能：來到最後健全的陳家樂竟給傷殘的林嘉欣牽著走，唔識反擊而自掘墳墓。林嘉欣亦順勢譚真一上身，電影還不如索性叫「殺人犯2」。唔係袁劍偉失控，那就是寸鳩觀眾：如此林嘉欣還能夠讓你顛倒，真係男人都有當兵的潛質，真係鬼叫你戇鳩。