《失蹤》 - 食之無味棄之可惜鍾欣潼

老老柒柒，小弟對鍾欣潼係有點同情：十年以來，所為更核突的戲子推之不盡，她當年還真只係好傻好天真；《前度》時小弟早提過，當年那事其實為一銳變契機，只可惜她又沒把握到。十年後難得再做主角，卻係又證其公司一直視她係雞肋。

趙羅尼新手上路的《失蹤》 (Missing) ，失禮講句係套一切廉價的電影：場景就係搵個樹林、搵個公屋入內扭來扭去；故事叫講甚麼結界，卻又似做唔足功課，或係做哂都唔夠講。故實再找一堆人情故來堆砌：凌文龍與母親算講得最完整，其他都係一句交差是但埋尾，就連主角父女情也是如此 - 究竟父親如何陷入結界並且有沒生還？結果係就當佢死左費時再理，認真草草了事。

鍾再做主角，卻就叫人要注視著她：不像她拍擋，扮不到純情少女，又當不了成熟女人，兩頭唔到岸。重要的是十年過去，她又擺唔出叫耳目一新之技，就凌文龍梁祖堯都遠較她突出。看來她還是專心做人妻好過，鍾欣潼的粉絲還真要把握這套，這會是她最後一次當主角的電影。