《常在你左右》 – 始終廉價

講明先，港產經典陰陽路系列，我係一集都沒睇過。但從「第二十集」《常在你左右》 (Always Be With You)，或可推敲到之前十九集都係甚麼樣的貨色。

一入戲院坐定，迎面而來的係不下十家電影商的片頭，叫人不禁講句駛唔駛 – 以往都只由一間中大電影搞定，畢竟陰陽路係廉價貨來，這套久違了的「二十集」說係紀念，亦也不見得特別擺多錢落去：夠膽看那些斷手斷腳就會看到明顯係膠造的模型，只係石屎倒冧可見其藍幕效果貼得叫妥善，但影像上都沒叫得會嚇到你的，因此還是濫用聲效來故弄玄虛。大體而言，此戲用錢最多或只限一眾演員之酬金，正宗因要開飯而開拍之戲。

既然無法，或就不旨在嚇著人，講陰陽實係講道理 - 電影開頭就見羅蘭姐話：「人生在世總會遇到困難，但如果用錯方法去解決咁就只會連累到其他人。」其實就係這些年來香港電影一定都會問的應否與命運鬥爭。而這套給出來的答案都係消極：林家棟和張智霖在世盡力卻係以死告終，已死的古天樂盡力卻也冇法留在人間。有趣的係出問題時，會出力想去解決的都係男人，女人們一係只會埋怨（蔡卓妍），一係就懵然不知（佘詩曼，雖然醒覺時還會試開一槍阻攔），總之係逆來順受。男人有力女人無力，這左膠意識令這集好歹有點邱禮濤風格。

話《常在你左右》係廉價，不只係製作，連意識都係：講對抗命運仿如協和謬誤 - 唔止你要付出，還要他人俾埋一份，最後卻係解決不了，那就不如不做好過，很是小家。相比下上排的《今晚打喪屍》，卻講死唔係全盤失敗，反係夠膽傾盡一切把你鬥倒。所以唔明人們大罵《今》做乜，明明《今》這樣已比如此低廉的「陰陽路二十集」高貴很多。