《愛情奴隸獸》- 笑甚麼？你地腥講人都係愛的奴隸！

本來，這是葉念琛執導以來沒有最爛，只有更爛。

要賣蘇麗珊這小妮子方法有很多，但葉接了柯打卻似沒心去做，《愛情奴隸獸》 (Never Too Late) 又唔係叫蘇去做女王，更加唔係叫佢做奴隸。你話起碼方力申做奴隸，但佢做起來只勉強佔成套電影四份一。一百零八分鐘盡是離題胡鬧，你會話這套根本就係喜劇來，很抱歉，葉念琛度的笑點我係笑唔出，昨日如是，這回也是。

但既然都比《隱婚男女》係咁意提下隱婚多幾十個巴仙，還是可以探究一下這所謂的主題：即使一零八分鐘都全程講盡方力申扮的林嘉華如何任勞任怨，你唔覺難睇都唔覺新鮮，一直以來，葉筆下或導下有幾多個有氣慨的男人？有那個不都在女人面前低聲下氣？只係這次的林還真無能到連做女王的都受不了。中段的反檯，嚴正花（高海寧飾）指林廢得連她勾人老公都不敢哼一句，林說：「因為我愛你，愛就係要包容。」包容唔止係來自歌林多前書，亦可係數年前中港矛盾時，某蘇姓局長稱大陸人過門都係客，故要包容。

這樣的話，葉諷的就唔止係港男，「奴隸獸」係香港人的共孽。嚴正花勾三搭四，被喻為中環公廁仍不以為恥，正如道德敗壞的大陸人。香港人面對如此大陸人，卻就係「包容」去應對。既然《那一天我們會飛》，余鳳芝對偷食的彭盛華說：「起碼你再有下次都唔好咁易俾我睇到。」，大家都不嬲持著如此痴撚線意識，港女又憑乜撚野去罵港男廢物？這些年來香港一直被大陸欺負，只因如此大愛，累到香港人都懼弱。

港人大愛就係希望感化大陸同胞會改過從善，唯當年的「車廂罵戰」，到今日的「藥房貓」事件，港人才醒覺有些人還真狗改不了吃屎。林哭著問嚴點解要咁對佢，情景仿如白樺《苦戀》裡，主角用自己身軀在雪地上所畫問號 - 你們愛祖國，但祖國愛你嗎？換到這套，大家或應改問，嚴正花一無是處不知所謂，這種女人愛來幹嘛？真正如不要問港人為何不愛國，應改問那個不撚知所謂的國家，港人愛來幹嘛？

你會話那葉念琛就在鼓吹港獨？又唔係，反而林嘉華甩了嚴正花，又對細寶念念不忘，佢始終就不愛一個人不行。能夠唔被所謂愛而綁架而瀟灑自在的男人，只在九十年代的《阿飛正傳》。但張國榮早已遠去，方力申沒可能扮到張，葉更沒可能製造出另一個張。港人還是做硬愛的奴隸，難得會懂一巴車落去，算好的了。