話《武替道》(Stuntman)
(梁冠堯、梁冠舜導) 好睇，這不在於劉俊謙或伍允龍，而係董瑋這真武指。就算表面嘢好睇，但內裡講既其實核突。
董瑋似乎係做返自己：平時和和氣氣慈祥長者，埋位卻上哂身，唯我獨尊般對周邊呼呼喝喝，一腳踢鏡頭拍三十幾次仍左挑右剔。好聽係執著有要求，難聽就係不識見好就收，只在浪費資源時間。
但講到最核突，莫過於董與老導演開頭懶擔憂香港未有還會否有動作電影，言下意又係數算年輕（尤指伍允龍）等錫身，沒他們博盡精神，以致動作唔好睇云云。其實八十年代所謂好睇動作片，皆基於資源技術有限，唯有土發煉鋼。如何叫武師博盡？咪就係著他們唔好怕蝕底，為夢想奮鬥 - 又係高舉獅子山下夢想等等搵人笨柒，搵得著自然當人都係無成本無價值。
重要的是你只係嗌機叫人做，又唔係你自己落手。他以為苛刻才能追到完美，像《荷里活爛片王》裡Tommy wisean嚷的：「希治閣對演員好嗎？他吼嚇演員，對演員擲鳥……但結果他的電影橫掃每一項獎項！」只係他講完後當刻拍下的係那著名的「屌肚臍」。更甚者就算動作好睇，觀眾只會想到導演，睇到鏡頭內拼命的演員，有幾何想到你？其實你就只係個一味自high，就連皇帝都唔撚駛理的太監。既然你也無視旁人，旁人豈用俾面你？
你還以為伍允龍係一朝得志囂張，誰知佢最有據睇董唔順眼、劉俊謙係一直傻更更，都忍唔住屌鳩董你根本就係件只諗住自己唔顧人哋的廢老、遭親女無視、被癱瘓師弟老婆破口大罵 – 虎落平陽卻又令觀眾叫爽，只因你係主角，卻又係徹頭徹尾的醜角。
還好最後董還省得切悟 -
係要威卻要以身犯險，就請自己親身上陣，唔去老點後生，好歹最後贏得人們對你真正尊重。否則你犧牲他人而成的「好撚好睇」，又能叫人睇得落咩？
沒有留言:
張貼留言