《人間蒸發株式會社》- 逃避可恥？但是有用？

 

《人間蒸發株式會社》(Johatsu - Into Thin Air) (導演：Andreas Hartmann, Arata Mori) 似講一家「深夜搬運公司」但其實講得表面，究竟點樣招攬生意、如何迴避客人家屬或仇家糾纏、甚至收費多少，也沒詳述。 

電影紀錄側重係日本下流的生存：拍著名貧民窟大阪西城區，講這裡也有日結工，貧民靠執汽水罐、時鐘酒店散工、甚至加入「搬運公司」，以過得一日得一日。 

 

但主題始終係「人間蒸發」：有講要尋回失蹤兒子的母親，但更多係「失蹤者」自述：因為要躲避黑社會債主追殺、或病嬌女友怪獸父母的禁錮、又或生意失敗無法面對家人 – 一句講哂就係逃避，有言逃避係可恥，只係說日本人視生意失敗工作不順連累家聲也視如失節，若生命誠可貴的話，隱沒自己在人際間似為較好對策。 

 

只係你還會問逃避就係可解決問題，雖則你知曉黑社會定債主如何兇猛，逃還是唯一對策。只係家人定病嬌女友還是白咭鄰居，還真的只有逃避而不會挺胸棠？定還是鬥白咭鬥擺爛，就如《苦役列車》還是《你的烏兒會唱歌》裡就係廢青又如何，因此聽到工作不順如失節咁大件事，還係有一絲質疑。

 

或許《人間蒸發株式會社》就純告訴你在日本遇到困境，一選擇就係逃離。回到香港，如此「逃恥」只有錢人專利，至於窮人，一係無得談生命誠多貴，一係白咭到底。故此近年一係多的是跳樓，一係就懂「若要生活好，做個痴線佬」。除非你接受到我們唔止於香港，還有大灣區還是一国，你說可恥，但不是有用嗎？