《首級》- 社團之M底

 

北野武拍古裝少有，《首級》(Kubi) 亦真只「古裝」。 

 

故事講本能寺之變前後，織田信長（加瀬亮）明智光秀（西島秀俊）荒木村重（遠藤憲一）豐臣秀吉（北野武）之間恩怨。既講到明未必依正史，而係北野武自己所知而編。電影說穿係黑幫片，信長係暴戾橫蠻的大佬，其腳踢臣下如出一轍之前黑幫作。 

 

罕見在突顯出來的基味：信長光秀村重間愛恨糾纏三角，亦玩了一重意識：信長拿起刺著饅頭的刀叫村重擔進，玩到其嘴破血流 – 信長臣下幾全部M底，愈近臣愈被凌虐。話雖沒個真愛，我願做M還不真心底會享受，我眼前利益被蒸發，叫我豈不能背叛你？這是由古至今之道理。 

 

有趣係要以一套現代黑幫電影對比，《大佬》或《全員惡人》等未必合適，反合切係一套港產：吳岱融的《社團之撚位》：此講一艘郵輪上裡一幫裡聚首一堂，卻為錢為上位而狗咬狗骨互相殘殺，故事望落荒誕卻又能對應此套 - 目不識丁農民就MK仔般發夢上位、一袋錢同一件將軍首級，同樣叫稱兄道弟的即興同室操戈，反正有個爛理由就可持續斬到廿一世紀、《社》結尾係MK仔張德豪發夢贏盡天下攞到位，但個位其實只一張膠櫈。《首級》結局更清脆，秀吉望落光秀之頭顱，不留情一腳踢開道：「人都肯定死了，首級係咪真都沒意思。」 

 

北野武眼中黑道武士道都只浪漫主義，暴力美學既野敬畏下還好，睇透內裡就知根本沒那麼高尚，你太認真你就肯定會輸了。