《出租家人》- 空空洞洞自以為是

 

覺得劉偉恒會叫人睇唔順眼：咁大個人諗嘢仲咁單純，只係如《焚身》係極端到戇鳩，《出租家人》（We are Family）只叫傻豬，兼且可能扮出來。 

 電影轉其中一部：當陳家樂自覺當出租家人唔係欺騙他人就係助長人逃避現實，就想收山唔撈。講到此行如妓女，心水清觀眾早諗明買明賣又何欺騙？只係你自己悲觀庸人自擾。最後還是曾志偉去開竅 – 人愧在演戲呃我時其實我也在做戲呃緊你，但最終還不是大家都愉快嗎？世事往往係你叫我不爽那怕一蚊都覺得你係欺詐，你叫得我愉快，就係一千萬都冇諗你係呃我罷。 

 

就係陳都唔相信自己確係服務他人：張健聲對扮他老婆的周家怡生情，上公司找她時被陳勸：「你不如真係搵返個老婆啦！」給我喺張實如此駁：「我會搵到就唔駛幫襯你哋啦！」現實很多人都係付出很多卻一無所獲，既然性也可買，為何唔可以付出金錢明確換取到以滿足自己感情需要？劉似乎沒有強調，自然無法得出出租家人的正當性。與此就只好刻意製造爭拗，就如開始的老豆教車追逐戰，只係堆砌卻無助討論。 

 

要討論問題顯然係甚麼係家人？這問是技裕和問得多，而劉最後都答左：大家愉快那就駛咩諗咁多。若轉問題，那就鏡頭轉向曾志偉，由開頭《演員的自我修養》，到結尾自說的人生演得 最好一場戲，似問何謂好演員？只係你唔係尹天仇 - 周星馳扮著一張白紙帶著傻勁去探索；你係曾志偉 - 老戲骨也就係老屎忽，出來講野卻如一錘定音：即使做戲，但我自信能服侍大家。或一半觀眾認同你而流啼，但另一半早睇唔順你的就會嫌：Come on，賣少一點空空洞洞的自以為是好嗎？