《可憐的東西》-「她只是個孩子呀！」

尤格藍西莫搞出套與其話可憐，不如說是玩味十足的東西。原本你諗唔通愛瑪史東扮的Bella怎稱得上可憐，再諗原來可憐係指麥克雷法路扮的律師Ducan，給他該大罵這套該譯叫「臭西」遠勝於《可憐的東西》（Poor Things）。  

其實故事似左併右貼唔完全新鮮：換腦技早給《怪醫秦博士》用來做貝貝，也難怪主角叫Bella、說是一個女人的成長探索，Bella卻係女版《蠟筆小新》，持童言無忌玩轉大人、Bella在巴黎做雞不以為恥還得領悟，園子溫《戀之罪》裡的女主角以同樣反諷自以為是的大男人。  

  

Bella堪稱吹佢唔漲夾佢唔長：小至社交場合搞得Ducan尷尬，大至搞到他一貧如洗得精神病，破壞力遠大過《出租天使》的佐佐木希。若說講話憑美貌叫你原諒你會唔順，這套憑據更難頂：「她只是個孩子呀！」原本某国人常用來耍無賴耍到貽笑大方，這裡卻叫你無話可說：Bella根本就係腦袋心智皆只小孩子，更諷刺係小新時受成人暴力教訓壓制，Bella成年淑女身驅，男人面對她要故作風度翩翩，於是慘遭玩謝。  

  

「神」(威廉迪福飾) 對Max (拉米 · 尤瑟夫飾) 講因為自己陽痿才不會搞上Bella，但沒直講出口係：「你知道戀童係多麼唔好玩一回事嗎？」- 要兼作父母忍受她哭鬧都叫你想死，故要挑剔這電影一不合理處，係唔理解Max和Ducan對Bella傾心，正路就算係佐佐木希卻如此麻撚煩都叫你避之則吉，你話口味既野各有各但我堅持這只是愛瑪史東；另一係Bella在亞歷山大港見貧民可憐，散盡Ducan的家財後懊惱痛哭，她似突學曉被情緒勒索受騙，但這轉折位似寫得太倉卒，唔係每個都明白你捐得感委屈就係給人呃這道理。 

 

若你係挑剔《可憐的東西》在無限捧女性，反要留意老實男人Max或「神」始終得善待，遭玩殘唔係視女人為玩物那就當其可操控自以為是大男人。為人父母該唔會睇《蠟筆小新》睇到不快，若你睇這套而聽到心裡發出碎裂聲音，睇來你該檢討一下自己心是否正如玻璃。