《暗殺風暴》- 坐獅鳥望深淵

 

見到《暗殺風暴》(Death Notice) 導演邱禮濤，劇情警匪，演員如此陣容，心諗「都係嗰D野」故欠買票意欲，喚起我對這套興趣，係聽到有早看的講左句：「冇李敏編劇的邱戲總係好返DD。」   

   

要評這句是否講真，正好有套李編邱導同類型相近演員陣容重要同係二零一九年前作對比 -《洩密者們》： 那套都係吳鎮宇張智霖作主角，且都係陣容鼎盛，每演員不論主配都係大小相差無幾的金珠逐個逐過接住落；《暗》始終叫張吳作金線去貫穿，搵到呂良偉任達華洪天明，但佢哋頂多出幾個鏡頭冇去喧賓奪主。亦所以你嫌李難睇在查查下案突然調轉槍頭離題講革命，《暗》好歹係堅持查查到快撈波士古天樂。  

  

其實係咪李敏，邱導的問題總係這個：話懸案卻總叫你沒興致去得知真相，只因兩套都無端去「仇富」：《洩》話藥廠財閥太可惡故要世界革命；《暗》學精D講完成一國革命先算，但都講埋不合時宜，公允論畢竟係二零一八拍畢的倉底，故以為二零一九年最牽動社會的仲係地產霸權。今時今日你覺得呂良偉扮的地產佬夠令你咬牙切齒？反而胡杏兒卻似有陣煩膠味令你覺佢死左關我鳩事。 

  

話二零一九，《暗》似無意預言中一樣：Darker稱司法甚麼已失效，所以出死亡通知單解決所謂罪有應得者。這做法在現實的一九年叫「私了」，既然《暗殺風暴》此名都偏離原著《死亡通知單：暗黑者》，還不如叫「獅鳥風暴」。或你會話現實的「私了」只係平民間的互咬，死亡通知單似嚷對準政權，雖然都係讓子彈飛咁亂射 - 由搞社運的佘詩曼無端被殺，轉到吳鎮宇無厘頭做低呂良偉。

 

其實返到電影開頭，開場白係句似抄：「當你凝視深淵，深淵也凝視著你。」若這才是故事主旨，邱禮濤還真貪心累事，或你辯話太多大牌安插落，搞到邱又要加插地產社運乜乜物物給戲份，結果就係坐獅鳥望深淵東拉西扯。最後大反派捕鑊，但觀眾都只覺又如何。再相對李敏，可能李的掛羊頭賣狗肉仲好D，起碼那羊狗始終只一件。