《全個世界都有電話》- 只想沒變，也是奢侈

 

黃浩然的問題總係個D - 他以為很貼實則唔叫人覺得佢貼地：《全個世界都有電話》(Everyphone Everywhere)，起於一九九七年，三主角中學生時各自買了手提，還用來玩sms。看到此劈頭就想：在屯門讀肯定唔係名校的中學雞那有錢買當時值普通成人人工一半的手提？更唔好講月費通話費每個sms堆起上來隨時「天價」。黃或窒只係貧窮限制你想像：Raymond (陳湛民) 當時都會被屋企送去蘇格蘭讀書，中學雞佢老母有錢咪得囉有乜出奇？係囉，窮就係我們與黃的距離囉你又明冇？ 

 

若你之前睇過《12日》，你今次就明白《全》又係令你唔耐煩，卻會明煩在邊：看似三人中最窮的阿哲 (周國賢) 起碼都係住長洲的小清新中產，《12日》裡那些生活白痴，就到Raymond阿哲都會做 – 由銅鑼灣遠赴「黑店集中地」旺角先達整電話，到竟將所有「犯罪證據」放在一電話裡不額外抽出備份，到因唔記得帶電話而要翻查一地址至左右碰釘 – 平民百姓的智慧，只因為窮故生活上看重一分一毫而得；中產如Raymond只顧賺錢向上故幾百當碎銀，也要顧及形象反而自綁手腳：平民被保安窒似係可疑人物而被拒借電話，都識破口大罵叫你主管落來見我罷。 

 

Raymond阿哲的戇鳩卻係構成推進故事的關鍵，再連埋Heymandi度買相或Ana (韋羅莎) 與點數黨鬥法，你窒問這套所謂後疫情電影，其實係咪只寸時下如何白痴到爆？記得上次《緣路山旮旯》只隱晦地「嗰年你知咩事啦.....」 今次講到一九九七，問廿五後的自己有否變過？其實以前自己係點樣？除左中學雞那就係夢想職業同住的地方和現在兩回事，你以為根本沒講出變了甚麼，其實就在Raymond - 由當年急不及待回流到今日急要離去，所謂「黑材料」被外洩，實係你知我知單眼佬都知的隱喻。

 

最後睇返「希望自己沒點變過」，原該納悶點解唔講變得更好？但廿五年後睇返，「五十年不變」都已經係句幹話，原來當年自己還真老積，唔會有不切實際夢想，免得自己往後睇返更慨嘆多兩聲。雖然現在你只想沒變，都講成係奢侈，也夠令人感慨。