梁國輝的《陰目偵信》（YUM
Investigation）係叫人先入為主地覺毫不吸引，你以為就只係《救疆清道夫》那種貨色，仲要那套好歹都有林明禎，你話這套都有譚旻萱及郭思成兩女，但小弟以男人視覺告訴你：最秀色可餐時的林都唔止值二，故此你以為一加一等於二必定贏過，未免太幼稚了吧。
而且這套唔係賣女，真賣係Error即何啟華吳保錡梁業郭嘉駿
(193) 此四人。重要似係劣評行銷：四人都係缺點行先 - 保錡193都係只耍帥卻沒啥有用對白、193重要時而男人婆、梁搞到似戀童癖、何的小太郎係沒自信所謂廢青，其實他最會貼時下觀眾之心，奈何卻又唔似會起效果。
電影講鬼卻係借鬼賣狗肉，或鬼或冤魂都係一劍就破無嘢多講。但故事整體卻比
《救》等言之有物，說小太郎係主角中的主角及令觀眾共鳴，只因似為時下年青申張，每個都正如他般無力不得志而怯弱過日子。電影只突顯四角缺點，優點或特點就如保錡的神力都沒怎解釋何來，就似話叮噹裡的大雄就只係廢夾遜，諷刺係拯救平安樓就只有他們。故電影唔係加入數算，反而係反射世道就係對年青唔公道。
問題係你嚷努力拼盡卻得唔到好回報時，就叫你要拼死一博劈下去，就話凡事都要相信自己。但這又未免講到如溝女只要夠膽吻下去，或如以為講句「乜乜就係我，我就係乜乜，你聽清楚未？」就能一野爆紅般又太天真 – 畢竟這對白實係個捱足十多年小丑先煉成到一本正經也會令你發笑的功力，唔係羅永昌翻炒講也會令你照單全收。自信背後都係要你先去努力，講真你都已經Error，若重要加個不想努力的模樣，我又唔係阿姨我豈有興趣睇？
沒有留言:
張貼留言