《廉政風雲 煙幕》 - 最貪的人

麥兆輝駛開莊文強獨自操刀，開頭已經很有疑慮，起《廉政風雲 煙幕》 (INTEGRITY) 這單調到不能再單之名，加上老廉早就給林德祿的乜風暴玩爛，麥還可有甚麼玩法去賣？ 

麥起碼比林醒目，知道一味正經正氣實悶死人，所以一開始就係「唔正經」，雖其實係學《大事件》：老廉內柒碌一個個，重要大粒的劉青雲更是柒得交關 – 線人張家輝俾的照單全收，因而遭到設局；林嘉欣更係離乜譜，不自量力說要保護張家輝，情景卻似寂寞少婦在溝仔，已經離哂罩。 

結局更係夾硬來，說貪污的大老虎發神經博拉，而唔係老廉搞掂佢。「唔正經」的開頭，或係預兆麥唔想講到老廉很有為：方中信的最大粒，講老廉係要比清廉更清，指責劉過火位貪功，說穿係一班官僚，毫無野心。也就被劉青雲看唔起，自以為是用非常方法；張家輝更早知老廉到法律都係冇本事，於是法律以外大貪惡人一筆。 

以方的論調數算，劉係貪張也是貪，功名成就感也算是一種利益。計埋銀幕之後，最貪的可謂麥兆輝：他不屑平凡地說正義，嚴格講係尸位素餐的官僚必勝，於是結局人人都輸：老廉告唔到人，劉丟了職，大魔頭等唔係下獄就係喪命。 

諷刺係輸得最慘可謂麥兆輝：想道自以為是的人沒好結局，但他們都唔係作法自斃，草草了事沒說服力。電影可謂爛收場，或者係麥親身警惕大家：唔夠本事，唔好去貪。