《影》 – 以假代真，誰大誰惡誰正確

本該無疑問：張藝謀很會藝術，有疑係你給得太多錢他，太有錢就會搞到如《滿城盡帶黃金甲》，得意忘形總會出事。 

《影》(Shadow) 到可謂張版的《無雙》，你話指強國大導會跟腥講的小導演口水尾會否太不莊重？但有何不可？何況大家都係講假貨。若要尊重大導演，那只好讚張的文雅度係高一班：正如竊書不能叫偷，所以不叫你做假貨替身，叫你做影。正如我唔係正搞緊光影合成的藝術嗎？只要換個名詞，藝術又何需一定要做到極致。 

張藝謀認真係明白此道理：相對《黃金甲》，《影》沒甚麼浩大場面，色調只有四色，嚴格來講係「偽黑白片」- 因膚色血色不能用黑白頂替。一切從簡，因要道出如何假來藝術：做到極致只係講下，重點係造假成本要遠低於真貨價值才有意義，所謂簡單就是美，功利説法係蔗渣價錢燒鵝味道。 

有趣係電影黑白分明只在場面，說沛國想要收復境州，叫臥薪嘗膽卻感不到係大義凜然，似意氣用事，主角都督子虞 (鄧超) 及沛王沛良 (鄭愷) 更是想趁漁人得利，敵國楊家父子反較似正派。《無雙》算似良心心魔劃清，《影》卻似誰正誰邪不用分清，人心根本一大片灰色地帶。 

就是最後，似單純的影子也不再單純：本來可帶同真身妻子 (孫儷) 一走了之，或無厘頭陷家一鑊熟，但最後係影子公然取代真身 ，還要唔止一人知道實情。子虞妻窺探門外，沒講清楚知曉實情的大將如何看待，故事就完。總之異於《無雙》的假能亂真肯定係謊言，《影》係你夠膽以假代真，真正自己對底是啥還真係不用計較，因為誰大誰惡誰正確才是現實價值觀。正如張藝謀身處之國，明明只有六十多年，卻常厚顏當成自己有數千年壽，也是人盡皆知，但有否人會頂撞踢爆？正如電影的結尾，係期望有這類人，但究竟有沒？你望到夠。