跟住要講的，擺撚到明都係劇透，唔鍾意聽我講的就躝屍趌路。
「畫家」或吳復生只係李問 (郭富城) 吹出來，最快可以在吳在私家車上著李協助偽造「富蘭克林」時已想到 - 「假貨可以做得比真貨好。」唔係周潤發第一次講的對白，姜文的《讓子彈飛》裡他也講過「假貨就是好東西」。現舊句重彈，仿佛這個畫家，其實就是李的心魔。
《無雙》 (Project Gutenberg) 在港「優先上映」日期係九月三十，係「九二八」四週年後兩日，就當人人都在回顧九二八或佔中或雨革，莊文強都會趁熱鬧又有乜出奇？始終四年前大家都在叫嚷不要「八三一」的假普選，就像李起初一聽吳的建議就怒屌，假野會比真的好，那個信？
「做到極致就係藝術。」畫家講了這些，就叫得李半推半就地參與。接著李鑽研出大部分印鈔關鍵技術，積極到像忘了自己在做虧心事 - 二零一七年，泛民幾全力支持曾俊華這個建制派參選特首，明明千二人小圈子也是假貨，香港人卻甘之如飴。七十九日雨革完結時講的「That's just the
beginning」呢？又正如《人生的意義》考完就擲埋一邊咁快唔記得？
要說莊文強還是善良的，就係李問吳復生仍爭拗不斷到互隊而終，只係最後畫家也完全佔據了李問。你問為何如此？表面係秀清接李問駕遊艇逃亡，駕到一半秀清突說累了不駕，乾脆就地和李同歸於盡：「柒柒柒」係比「六八九」好不了幾多，但大家除了罵她幾句卻再無力想去鬥倒她，尤其時而講的「焦土」，等於炸毀遊艇的炸彈 - 因為大家都為真為假鬥到累，最後費撚事鬥逆來順受，也就乾脆沉淪。
更深層還是待到最後 - 唔止畫家係幻想，就連李和阮文 (張靜初) 的過往都係妄想，李其實就係一件沒自信把心中女神把到手的毒男：香港人明明有條件做孫悟空，卻就從冇自信自以為賤，賤的基因已刻進港人的骨頭裡 - 正如鑫叔 (廖啟智) 明明賺夠，卻還要用偽鈔買古董，作賤性格改不了，才能自欺欺人。話《無雙》係後九二八電影，更嚴謹係莊文強大摑如此賤的港人紀乜撚野九二八。
或許叫欣慰的是，係見到張靜初這個小弟心中的美人，終於接到一套不叫得上爛的電影。
沒有留言:
張貼留言