都係講家庭，如果山田洋次的《嫲煩家族》旨在維穩，咁周子陽的《老獸》 (Old Beast) 就係穩都費撚事維。
相對於日本貨，《老獸》係強國野卻相當激進 - 「廢老必須死」似就係主旨：既然整個家庭已無可救藥，還不如所謂的「長輩」就此離去，還後輩自由以當積陰德。也是說成個制度既然崩壞無救，還不如及早斬掉重練。
楊家三代共十人，但鏡頭多聚焦老楊 (涂們) 身上：嫖賭飲吹做齊，日常行事常耍無賴。他是楊家走向崩潰的關鍵，縱使他的兒女努力挽救，也被他一手破壞：如《嫲煩家族》中段楊家也有「家庭會議」，但卻唔係床頭打架床尾和 - 老楊被自己兒子教訓後憤而把他們告上法院，害到兒子坐牢後，自然一切無法回頭。
《老獸》裡兩代間誤解的下場，比《東京家族》更嚴重：老楊離遠望著獲釋的兒子們輕快回來，落漠回家拉同妻子自殺，完全隔開兩個世界。歸根究底，一切都係老楊自持食鹽多過你食米，自以為是不聽旁人兒女相勸。更為諷刺所謂的「食鹽」，只係趁鄂爾多斯房地產炒熱時投機倒把致富一陣子，結果樓市崩潰時他也人財兩空。但他仍愛裝面子，堅維持著日頭賭博找情婦夜晚吃喝的生活，於是私賣朋友的駱駝再偷妻子手術費。他的慘淡結局，講到底都係他自招。
為何穩都費時維？正因為所謂的穩定根本毫無根基：楊家若然富有，或可各人彼此相安無事。楊家既早已破產，子女頂多顧念父母的養育之恩。但既然把子女送進監獄，就連感情也無法再談下去。電影一來道出傳統人倫自文革煙消雲散後，錢成為強國的現實倫理；二來以一個自持食鹽多，點知一路以來食著都係工業鹽而毒死自己的廢老之鬧劇，用以剷爆自以為是的父權，大快人心也。
沒有留言:
張貼留言