《香港大師》 – 別對那有錢認真

梁仲文其實都好勇，《香港大師》 (Hong Kong Master) 在坎坷影展後小規模放映，據說場場皆親到來映後討論，無懼有被怒嘘或擲汽水罐甚至圍毆的危險，可能就知港豬太善良。

話雖圓方放映，百元票價卻只有六十分鐘，你怎叫我不能認真看待？但都係你認真就輸了：既然坎坷開幕片係百年難得一見奇片《台北物語》，相對這套閉幕片是甚麼貨色該心裡有數；梁自己都認了，這套實是網絡電影：放在愛奇藝網站的小規模製作，既然沒多少資金，你會旨望它玩出甚麼花樣？

但都係嗰句 - 資金多少唔重要，故事才是令你能否刀仔鋸大樹的關鍵：對這電影的興趣只在一個人 – 編劇恐懼鳥，一個對暗網、撤旦教、外星人等素有研究的人。就是期待他勾劃的未來世界會否別有一番模樣，但出來卻只是戴頭盔、拿閃光劍打邊爐、單車互片等，說是向「Star war」及《阿基拉》致敬。當你們真係那有錢，故只能色調上玩野，仲要叫人追憶返古惑仔，但點追憶呢？就只係陳浩南改叫浩東或「東星企業」等等，左青龍右白虎都冇擺出來，未免太簡單了吧。況且埋堆一方唔係就叫古惑仔，只叫《三五成群》，前者係身不由己「懶好人」，後者卻係自以為是「冇個好人」。

簡單就係浩東烏鴉兩派對抗，怎料卻係「香港大師」設的局：說要復興古惑仔，只因社會需要有英雄，那時的人誤解古惑仔係「忠義的武者」：現實大家一直都誤會，陳浩南唔係英雄，而係悲劇人物，沒有懷念的價值。正如老屎忽們常懷念「獅子山下不分彼此同舟共濟」，但識多D都知「獅子山下」係大家都一窮二白，懷念個屁。無能的老屎忽才會追憶去逃避，年輕是要敢教日月創新天。故事係有此志氣，但大體卻係寫得太單薄，結果看是胡胡鬧鬧地收場。

或許梁仲文自己都講，電影主要在大陸網站播映，尺度要投鼠忌器，因此古惑仔要講成「忠義的勇者」，唔敢再講多。梁仲文和恐懼鳥大概就係不解國情，既然《建軍大業》會叫劉偉強去導，古惑仔根本係中共容忍甚至縱容散播的意識，只視乎你怎去演繹。卻因不解中共所想結果講得馬馬虎虎。這算告誡一下電影人，要賺中共錢又唔想馬虎拍片，還是要了解一下中共，否則這錢，你賺唔來。