版頭

版頭

2017年12月11日 星期一

《女士復仇》 - 揸槍揸刀就變女強人?笑了


你以為火火有心幫鄧麗欣周秀娜樂基兒三個已年到三十的轉形像少年你太年輕了轉形唔係叫佢地著Bra top左手揸槍右手揸刀就轉到的

且看女士復仇 (Husband Killers) 幫三個女角起的名字Chanel Dior Hermes,就知火火一開始已存心玩野 - 自以為很高檔咪又係扮哂蟹:三女說係殺手大賊SDU好身手,但三人聚在一間酒店要互殺對方,竟由日拖到夜一夜先開拖。在酒店大堂三方槍戰,酒店主人孫佳君淡定坐在一邊睇既,像預知無論槍火如何激烈,都係流既。

場景用上龍華,夾硬要佢做返酒店,大概看上其門口一排紅燈籠 - 張藝謀的《大紅燈籠高高掛》:又係同樣,三女的情人男友老公David最終都沒現過正面,講到David係靚仔定有錢還是有甚麼技倆御女都唔重要,諷刺係三女就為這個男人鬥過你死我活,如《大紅燈籠》般的妻妄婢女間爭鬥。《大紅燈籠》的時空是在父權社會,這套則放在所謂女權高漲的新時代,但就算女人能武能槍,卻仍只為一個男人而爭鬥,反映女權其實到今日都沒實際進步過。

你會話結尾唔係三女想通沒再理會那個男人分道揚鑣嗎這是你太快離座,「真正結局」係三女夾手找到David復仇,的確有仇不報非君子,但始終咪又係要執著返一個男人。所以你話叫女人揸槍揸刀就叫她們變強桿?別逗我笑吧。


沒有留言:

張貼留言