《第四幕》- 仆街合理化

 

王德健的《第四幕》（Afterpiece），表面講舞台劇，深入係講導演演員對戲劇的爭奪，更深層係窒世間人人皆仆街。

點解會諗到仆街？首先歐文（馮德倫飾）的戲中劇叫《驀然回首》- 與藤本樹漫畫Look Back同名，那部係講兩女生因漫畫相識而共創漫畫故事，唯行家玫瑰罵表面勵志事實係一女生借另一女生社恐乘機壓榨她，係賣只要有夢就可以仆街合法化。

這裡的《驀》係歐的自傳，講其生涯上的仆街事蹟：與蘇蔓菱（胡杏兒飾）拍拖時與她姊妹Tracy（周秀娜飾）搭上，蘇偷走他的劇本去拍電影報復。唯回到現實，蘇搞到漢娜（袁澧林飾）無得新戲做女一，娜則駛計奪其台上主角之位。

話仆街唔單係欺騙，而係騙取強奪原是他人的東西，Look Back被指係奪他人技藝成就自己的夢；蘇除偷歐劇本外亦常妹仔大過主人婆僭奪導演位置，歐令她無法做劇女主角時她憤而怒摑他，即使他出於覺蘇根本無法話自己係個仆街也好，她始終都係憤於屬於自己的給另一個仆街奪走；只最後Tracy叫娜不用怕蘇：「佢點會咁小器？」言下之意大家都見慣彼此都係仆街，也都早知人生如戲唔駛認真，尤其感情。

若話Look Back係偽君子咁叫仆街合法化，《第四幕》卻係真小人推仆街合理化：仆街本來就如黃子華講：「搵食啫，犯法呀？」就係合法所以唔駛論合唔合法與否，唯雖早有如《變色龍》話：「我唔怕D契弟，因為我最契弟！」只係講就易做就難，但只要你敢認，就如快落幕時自認係一個騙子，恭喜你成為一個偉大而自信的演員。