《重生2》- 肥皂淹蓋伊沙貝拉

 

馬浴柯再來一套《重生2》（Go for Broke 2） ，陣容有點亮眼：梁洛施與洪金寶，只係洪顯得係唔係佢都冇所謂，因為給他都唔敢真功夫打倒梁半死，讓的話又顯得似打假拳，對佢來講更是侮辱，那就不如氣定神閒來吧我甚麼都聽命好。

馬叫梁能玩甚麼？擺明居馬抄《標殺令》，或簡單又係那些追逐動作故事，設一個母親見兒子被殺而大開殺戒。場面來說還是有版有眼，後部梁還會殺得夠淋漓盡致。只文俊輝開頭顯得很是亂入，直至最後才表露他的「作用」。

只係馬像不甘那麼俗套想講得有點深，卻又像左併朴贊郁《報仇》右又拿些《殺神John Wick之芭蕾殺姬》，但最大問題係成套多對白仲要咩都畫公仔畫出腸，根本就係一套肥皂劇，就算伊沙貝拉殺得如何暢快，卻又搞到像師奶咁令人煩厭。

或者《重生2》會係梁洛施的標誌作，只因其擔正還要如此狠的絕冇僅有，其實她要再來一套也該可以，當然下次她記緊不用像個師奶多嘢講就得了。