《午夜之花》- 竟開花在日頭

 

內田英治《午夜之花》 (Night Flower) 承繼上次天鵝，只係來得俗套：上次好歹邊緣在變性人，今次純粹係窮而已。

或就知你們只想睇女，今次兩相扶的主角都係女人：窮媽媽北村景子和窮拳手森田望智。相對北村，在《AV帝王》裡當美艷黑木香的森田，轉到這裡被打到口腫臉腫，其可塑係更叫人吸引。

只係你或覺又係套嚷同情我就俾錢我，女人解決眼前困局唯一之法就係搵錢，所以兩人一相遇就唔理三七廿一夾埋賣麻藥。窮係表面，深層係環境迫使人都變弱雞，由阿媽到個女都係，睇到令人好不耐煩。就係唔一定要靠有錢，也可靠拳擊拿回自信，卻差在到後部才係咁意教。

其實內田講女人講得片面，就除北村森田，還有田中麗奈，本來若論窮人是否無條件當好母親，田中可作對比話有錢人母親都難當，只係田中安排得太少簡直似亂入，就係最後她要為女兒報仇，係唔敢對人家女兒下手而自盡，卻納悶明明毒販才是元兇她又沒種去對準。

或這套只算係女版《激戰》- 又係想靠擂台上贏一舖去搞定問題，卻係擋台上輸，問題竟係自動不了了之，就係森田被毒販打了鑊當放過，你話內田或想似《我未許願先吹蠟燭》咁講人情，但好歹那套算有點舖排。內田英治或唔想還是錢才能解決，卻就係都係解唔通先夾硬來，正如話係《午夜之花》，最後卻見其開在日頭。