《恨女的逆襲》- 少女的戰鬥

 

李宜珊的《恨女的逆襲》（A Dance With Rainbows），一看想到對的是三宅唱《惠子的凝視》。

林怡婷飾的陳家玲就似岸井雪乃飾的小笠原惠子 - 同係樸素不施脂粉，於是就不客氣常被打到口腫臉腫，開場不久也就被擊倒地吐血出字幕。

大異其趣係三宅聚焦惠子，李卻橫觀家玲周圍：台灣鄉下不像樣的農村，叫窮致大家都錢字掛帥 - 家玲父親（游安順飾）像《孤味》裡那種自持挺吸引女人以致有點風流帳，只係比《孤》較有一點理由：其似平常沒怎苛待女兒，只係她小時難得一次沉唔住摑一巴，其又係乒乓球好手，現今女兒或只對她失望而已，唔叫恨卻又毫不客氣。

家玲學打拳似係對周邊都看不順眼想去打破，唯錢係會到處作怪，會於家庭更會於拳館，見敬崇的教練泰爸（蔡振南）也著她打假拳 - 根本沒人能出於污泥不染。

單純的家玲係會困惑，其實大人也該疑問：自細教育大家正直做人，長大卻時常違背原則只因沒錢萬萬不能。唯計較究竟係你認真沒錢定係如《選擇有罪》咁不會生活上變通遷就只要自己底線遷就？唯李似想話成人世界就沒這麼簡單，於是提母親（王彩樺飾）欠債、泰哥背後被黑道脅迫，說唔係勒緊一下褲頭這麼簡單。

家玲最後上擂台似如《激戰》，大家都係想把現實問題拋諸腦後，只係程輝的是人生逆境，家玲的是人生困惑。說《激》係中年人的逆轉勝故事，《恨女的逆襲》係少女的成長物語，或在公正的擂台上搏鬥，對少女來說像是一場渡假，享受完理想後就可去捱所謂現實。