《查無此人》- 教唔精只因半桶水

 

孫立基的《查無此人》(No Such Person)，只八十分鐘，短小卻又唔精桿。

 

戲裡角色眾多，除了張松技係老戲骨，其他多是新面孔，當正面睇孫係給機會新人，也未免太多。你話孫很是貪心，得八十卻多條線當然難以講足。 

 

電影主題為盜用身份，真係盜用係兩主角：余凱祺誤殺女友Amber (黎紀君)，用她身份東躲西藏；鄒文正自稱兼營劏房的獸醫，最終身份竟是牧師，頭尾呼應話係一個牧師奪回堂舍，只係這個牧師「成魔」前因沒交代；電影對一些財技的玩法講得清楚，但又沒講太多，尤其牧師如何奪回成個單位？就算教曉你冒認單位業主去侵吞，你也會質疑還真只這手段？玩直播的陳穎妮和地攤小販連其女兒沒下文 - 成套每條線都係半桶水，其實為何唔集中只寫兩三條？

 

懷疑孫立基本來就想講財技，豈料寫寫下又怕講得太多，於是周圍東拉西扯，形成一個坐這山望那山之故，扮低手其實係掩人耳目。你概歎這十年香港還真大變化，一個當年敢玩人體爆炸的到今天竟會如此收斂。又或者電影真諦係叫你學識靜靜地贏，正如你問那牧師到底點贏法，他就係潤你佢左手都唔會知右手點贏到。