《小菊的世界》- 西西弗屎

 

常人會窒雲溫達斯的《新活日常》太浪漫主義，要幫佢辯係電影終究係要叫人睇的，要叫得人入場需先顧及大家感受。正如阪本順治的《小菊的世界》 (Okiku And The World)，唔用黑白，直全彩色拍落去，你會頂到九十分鐘？ 

你話唔係講緊頂唔順係咁睇住鮮色一埋屎，咁就要公道接受就係見到屎坑竟會洗到那麼乾淨。而係你竟每朝醒來都像迎接美好一天、工作上沒有甚麼挫折、唔會去嘆息簡直係做作。《小菊》裡倒屎的已夠低賤，商人係四民中最低層，故還要去做買賣屎就簡直賤中之賤，故此遭受街坊鄙視欺凌。比起役所廣司似家境充裕卻洗廁所當修行，矢亮 (池松壮亮) 卻就似My little airport《西西弗斯之歌》講既西西弗斯 - 係用觀念，話佢擔屎實在太慘的觀念，於是明明擔屎只係一份工卻講到係對他的懲罰。只係矢亮會用屎來當笑話，最後用屎去反抗返欺凌他的人 - 只要學懂蔑視自己嘅命運，甚至用享受呢個過程嚟去否定懲罰，於是你就唔駛強叫自己樂觀，也能認真覺得自己係快樂既。

 

或許人就係要學懂蔑視自己命運才唔會被命運作弄，小菊 (黒木華) 也是適逢家道中落，接著喪失父親聲音，但卻又能收起那大小姐脾氣，學懂同情下層，也能接近自己意中人 (寛一郎)。當你還以為你係大小姐，你就只能懶雅致從容不迫文質彬彬溫良恭儉讓，那就只限請客食飯；若能你能擁抱充滿屎味的對方，恭喜你的革命成功了。

 

一八五八係黑船到來後五年，幕府與美國簽《日本國美利堅合眾國修好通商條約》之年，各藩起倒幕之心之時。看戲你還以為無法改變，其實外頭已蠢蠢欲動。正如話你知世界係從這裡出發，最後必然回到這裡 - 你才發覺地球是圓的，且一直在運轉而你不知道。所謂一成不變的命運，有日回望你才發覺已變成屎。