《金手指》- 大而無奇

 

莊文強的《金手指》（The Goldfinger）明顯大片，但看後總有種唔滿足。   

   

唔論場景只看演員陣容：領銜主演已係梁朝偉劉德華，其他係任達華蔡卓妍白只太保，是但出場閒角都要袁詠儀李靖筠去當，簡直星光熠熠到如《豪門夜宴》。但就算場面如何浩大，卻給人感到：「o下，就咁喳？」《無雙》起碼都實實在在講造偽鈔無咁易，《金》講緊如何騙出個百億嘉文大帝國：起頭係扮拿督耍太保，往後就係操弄股價 – 也就係一味靠吹唔著實。  

  

問題都係先天：星光熠熠卻就每人都要俾面戲份，於是講故事無可避免用編年體，而唔係記傳體聚焦主角怎騙怎鬥法；「騙」本來就無根基，除非《信用欺詐師》 咁賣力咁呃到自己倒蝕，十之八九騙徒開始就空心老棺，警廉衝突拿支沒上彈長槍互鬥大已講明本質。如《創造安娜》一個乜柒都冇小妮子呃盡華爾街，只係財閥富商豈會全弱智，起碼都要掌握其弱點才能令人信你三言兩語搞掂。《金》只憑一個玩笑就再沒駛多技倆，即使改自真事也難叫人信服，就係人總唔願相信自己真會那麼蠢。 

 

你話莊或以古諷今指桑罵愧，嘉文去到今天也可叫為含大地產，再前幾十年又會被叫為「人有多大膽，地有多大產」，但你就知人類唔會吸取教訓卻又會嫌橋舊而悶。總括《金手指》可謂莊文強親導最宏大，卻又大而無奇的一套。