《燃冬》- 無夢延邊

 

陳哲藝離開悶熱的新加坡，到另一極端：寒冷漫天飛雪的中國吉林。話《燃冬》(The Breaking Ice) 拍的不是劇情而係情感：情感還真最易巧合，周冬雨躺在雪地時大概納悶幹嘛又來岩井俊二；周和劉昊然屈楚蕭等在書店玩偷書，這書店正係長走廊型讓他們奔跑，仲要剛好有工人掛著畫 – 這豈不是《戲夢巴黎》嗎？ 

你窒小弟沒留意陳早說過兩男一女實參考杜魯福《祖與占》，但要去對比似拿貝托魯奇的才好對有趣：設定三人皆窮撚，場景冇得再巴黎，亦係那有錢出國，那就只好找國內最「異域」之地，選新疆西藏香港卻太玩命，唯延邊因為要同隔離北韓遠方南韓打好關係，故一街韓文，叫你以為落到韓國小城，再三人設定非東北人就行。 

 

相對貝托拍下青年會嘗試探索，陳眼中的實係保守乖孩子，就算他們易一拍即合繼而上床，卻係明明講好偷書但最終乖乖付錢。竊書不重要，重要的是每人偷一共三本，除了一本字典，其餘兩本沒講出是啥，真係隨便執過來 - 若書籍反映人的靈魂，陳眼中三人皆空殼。你說別睇漏劉閱過長白山繪圖而想去長白山，我納悶他為何就唔偷走那本。 

 

當然陳早講明三人不是大學生文藝青年，似最高學歷的劉也只係搞金融、周退役滑冰運動員、屈目不識丁廚子，故沒怎樣大灑理論對白。此三人比巴黎三人更今朝有酒今朝醉，而且話係不會討論，實似係唔駛討論 - 我就知我係個bi那討論甚麼？重要相對巴黎女生只最後一時諗唔開尋死，延邊三人早有死念，劉欲於高處墮下、周想自己給熊吃掉、屈駕著電單車欲撞向貨車，只係他們最後都珍惜生命，只係離開延邊這地方。

 

戲名《燃冬》，但延邊這地比新加坡更難以燃燒：冰冷令人而於抑鬱，面前如起霧的長白山睇唔透，離開係唯一對策。陳講既似唔止這裡，而係整個國度的景況。但願陳哲藝就是新加坡人，說漏嘴還可一走了之了事。