總覺得法律面前人人平等係漂亮話，就係講埋「高牆與雞蛋之間我必然企在雞蛋一方」，你高昂道完後坐下冷靜細想才發現這兩句係互為矛盾。正如《童話 · 世界》（Fantasy·World）裡，你以為有理無理點都企o係喊濕兩包紙巾的女生一邊就係正義，你的正義還真夠求撚其。
你問唐福睿為什麼要選用李康生？大概就為了要「公道」：就知你們都懶到企在雞蛋個邊，於是男女都只知望著江宜蓉，自認偏心的女觀眾就望張孝全，若用其他老頭如游安順蔡明修扮狼師你地係望都費時。但大家都知李係蔡明亮御用的，蔡電影就係要留意人物舉動，故你喜不喜歡李也好，你都會慣性注視他。你就發覺這姓李的老頭木木毒毒，所謂幽默教書但其實無咩好笑，仲講埋D 007為何占士邦既爛gag，就係三十年前《青少年哪吒》的佢咁樣樣都未必溝女到得心應手。咁佢又憑咩叫女生投懷送抱？李送江相機，就帶上「勞資糾紛」的味道。
你話李確係有強上過江：那是江發現李移情別戀，寵著的唔止她一個， 醩意大發嘈話要搵律師摧毀他，才給李一怒下硬上。李上江時的神情由憤怒逐轉為後悔，像發現自己係因被摑一把而憤怒，但用不著插人一刀。只係李之後無情冷漠的處理，以及借用張孝全的計謀，都係無可辯駁的奸狡。
但奸狡唔一定有罪，臭蟲論誰沒自私之心？如張孝全一定正直？你不給佢十數年後反控告李係要報復當年佢心儀的江給李吃著？李說他感情用事或就知曉這點。若張和李的角色對調，江設定年齡再大三歲，成件就只係男女情愛爭吵還好意思拿上法庭的無聊事。就算你只係十七八的小紅帽，你確係自願吻向這隻狼兼同佢上房。就如文晏的《嘉年華》- 小女孩自願跟大人到酒店玩，你係明知會發生甚麼事都要踏進，那你叫我要怎樣幫你？你總不能把喊濕的紙巾當證供。
當然沒話李完全沒錯，佢周圍吃著小女生最後要遭受名聲敗壞的教訓，雖然這是張以玉石俱焚換來。只係你認真法律面前係人人平等，那你要搞清楚就算對方的道德問題你令你很厭惡，但他卻唔一定犯法：「衰十一」係犯法、在台灣通姦係犯法，但濫交卻唔係犯法，咁我無罪就係無罪嘛。李康生講那小紅帽的故事講得結結巴巴，其實應咁講：就算我大野狼，我又沒真把小紅帽吞落肚，你這獵人看我不爽那就向我開一空槍把我嚇跑就算，你非要把我打死，那公道嗎？
沒有留言:
張貼留言