《無限制的愛》- 念經般的道德理來做乜

 

城定秀夫的《無限制的愛》(Love Nonetheless) 似如深田晃司的《真愛假不了》般問問題，只係那套似現代，這套卻係浪漫主義。 

首先男主角係瀨戶康史 - 尚算英俊小生，河合優實扮的學生妹會迷上他都唔係無理由。問題在於佢扮道德毒撚，學生妹還是以前暗戀的都唔敢上，令人不耐煩的討厭。這像劉以鬯筆黃國兆拍下《酒徒》裡的劉先生 - 文青好讀書，但未必有用，就係會戇到連戴兩個套，真係要面對女人還是手足無措。雖然人家父母數你係變態，你還會力爭一拳還回去反罵：「不要侮辱愛！」你還會爭取叫人喜歡返一點你。 

 

相對《真愛》問愛，《無限》卻傾向想論道德是甚麼？人立道德規範，原意該是避免彼此傷害：正如為免心智未熟之孩童會被成人誘姦，故叫成年人不應看上學生妹；又如為免你把外頭的性病帶回家影響家人，故教你不應在外偷食。但是少女若自願看上你、或你循規作賢妻但丈夫卻又外頭偷食唔嬲，這些又是否公允？故你對瀨戶唔耐煩，係睇唔慣佢沒為自己爭公道，雖然佢最後都有爭。 

 

若你係基督徒你會話只要順從神的話就可何必複雜，但需知道現在所聽到的神之話都經人以訛傳訛 - 明明神父該係講唯神的話，但你都可聽作唯心所向，於是滿足自己歡喻就可。死抱字句係荒謬，正如偷食完叫話這最後一次，就被人家窒你似念經。神要施罰才唔會先「強烈譴責」而係令你不知不覺：你任由未婚妻在外和他人做，叫自己偷食所為沒咁不堪，怎料你技術實一直爛，未婚妻得知毒撚都好技過你就差D返唔到轉頭，你才唯有死死氣地規矩。

 

你話好似仲差愛是甚麼沒問，其實最後瀨戶康史河合優實走在一起就已經答左你：既然醒覺不去執著字面道德，又何需計較愛的緣由？總之肉放在你嘴邊你還不懂嘗，你才真是罪大惡極啊。