《懸崖之上》- 張藝謀的使徒行者

 

大概沒錢就萬萬不能，就連張藝謀也要玩起謀碟。其實謀碟片沒啥好評，只係見係張也叫夾硬講到兩句。

 

《懸崖之上》（Cliff Walkers）如《紅海行動》係任務型電影：用來激發国人的愛国之情，劇情可以吹水唔抺嘴：一九三零年代，係有滿州國、係有中共、係有蘇聯，但後兩者是甚麼處境？一九三七年前中共在陝北左閃右避國民黨兼忙著種鴉片，即使三七年後叫佢抗日佢也只會擺一分，蘇聯老大哥則忙著國內大清黨 - 讀點歷史都知兩件「正義之士」在那時候根本就沒閒大義凜然。既然唔使計較是否正史，但都要認真看待張會否借點兒說甚麼。

 

你問點解標題把張同TVB的《使徒行者》扯上關係？《使徒行者》是甚麼來的 - 係乜人都可以臥底的吹鳩漲故事，勢估唔到張大導都好玩呢味：開頭「烏特拉」四人組分開任務時，就開始有人做二五仔，跟住又有滿州國特務跟上四人，但接著特務又有人自爆係中共派來潛伏，愈看愈搞唔清有幾多人「真正清白」。

 

你就當我好色，成套戲我只分得清秦海璐劉浩存等女角，男人因為服裝清一色禮帽深色厚大褸，多起上來就唔知邊個打邊個。高潮位的羅馬尼亞大使館外槍戰交鋒，係亂七八糟叫我心諗睇緊乜。

 

電影開頭字幕話日本仔在東北搞七三一罪大惡極，偏係成套戲唔好講七三一間廠 (其實七三一都係一九四零年的事)，就係一件化武，甚至一件日本仔都沒擺過出來。而除了羅馬尼亞大使館的鬼仔接頭人叫有點戲份，全部都係一班煲冬瓜的在你隊我我隊你。諷刺係戲未出字幕稱紀念革命志士，但給我係當時有志者卻見到咁都會諗我係度做乜撚。

 

話日本人點滔天大罪卻沒叫人睇到，但中國人彼此施酷刑，先下手為強之快又叫人睇到盡 - 玩內鬥才是中國人玩得最利害耍家，話之用愛国之名，還是自己也不知道，只知有得玩點解唔玩，這似是張藝謀才想說的話，只係他打死都唔會認，因為一認，就係戲裡做叛徒之人的下場。