《好好拍電影》- 諸葛亮許鞍華

 

你問若林澤秋係迷杜琪峯而拍杜，咁文念中拍許鞍華又係抱甚麼心態？或可睇《好好拍電影》(Keep Rolling) 裡蕭芳芳講既：「張叔平話導演係神，嚴浩自嘲導演係狗，許就係介乎兩者之間。」好簡單話係人咪得囉。 

 

文跟著許去拍戲只限《明月幾時有》：且相對杜琪峯屌哂老母粗口橫飛，許有時也會勞氣卻唔多用力，就算她也會撚來撚去都唔駛片場爆粗，總之許在片場表現唔係重點。許帶文走進其家翻其舊照，看著其如何照料母親 - 許的生活才是重點，而其生活點滴更係引伸出其電影：許似大中華膠故所以有《黃金時代》，只因她故鄉正在東北。其實許沒搞過所謂的懷鄉文學，《投奔怒海》唔止影射中共不可信，也是會猜疑埋中國人；反而許係最會遊走於香港的導演，就係親眼見過才信，縱使近年佢會返下大陸，但作品量睇她始終都係側重本土。

 

《好》似係許的日記，呈散沒主題。若要定下一主題大可調一調戲名：拍乜電影好？許說拍如《極道追蹤》等的商業片是很勉為其難，其實甚麼叫商業片？就係因應市場需求而拍的片。正如楊德昌《麻將》講既：「世上沒人會知道自己要做甚麼，都是他人告訴自己該做甚麼。」與其埋怨市場限死你只要求你拍甚麼，那你有沒本事反引領市場該去需求甚麼？

 

不諱言許其實係沒創作本事：她讀文學卻唔會我手寫我心，劇本也要假手於人，拍《傾城之戀》也招劣評如潮，叫舒琪也覺怪哉。但講真讀文學實係讀其歷史而不是學創作，創作較多係天賦，學不著。

 

正如許講返「天水圍二部曲」，她說她眼中的天水圍像遊戲機場景，街上沒多少人行過疏離感重：《天水圍的夜與霧》任達華張靜初一家四口返屋企，升降機閉路電視注視他們上樓，至到張在家中被任殺死 - 現在睇返這些情節竟近似《今際之國的有栖》，若許能更改敘事技巧，如《明月幾時有》在大陸似被宣傳為謀碟片，該能吸引更多，但她卻只能老實用現實主義交代故事，因此就只得這麼多觀眾。

 

但天都係待許鞍華不薄，記返二千年初無線節目《香港鬆一鬆》似諷過許係接近要乞食。廿年過去，許卻金像金馬獎也接過幾尊，票房唔多但仍有名氣，只係唔見得有如林澤秋般的粉絲。或者咁講：若杜琪峯係氣盛並擁小喬的周瑜，許鞍華係淡定而隻身的諸葛亮，係就三個臭皮匠也能勝過她。