《拆彈專家2》 - 過期炸彈拆來無謂

 

若果香港電影好命可以以後，二零一九至二零年係重要分水嶺，在這之前拍的，即使只差一兩年，往後睇返也覺不合時宜：《狂舞派3》如是，邱禮濤的《拆彈專家2》(Bomb disposal police 2) 更是。 

  

例如在《拆彈專家》上時，評觀眾看到劉華被毆到蔡瀚億被炸瓜會感心涼還叫講得太前。結果今日你睇住劉青雲一邊拆彈，其隔離同僚被天台的恐怖份子淩虐地一槍又一槍，你卻唔會肉緊就只想著最緊要有事。又如721後你再看到黑仔審問劉華時怒指他弄死了十多條人命，你只會覺得黑仔還真係在做戲。不過既然上集講寧願犧牲一命也要保紅隧暢通，邱早爆出死物比性命更重要的潛意識，黑仔點扮，也不能幫現實掩飾幾多。 

  

最老土實係劉華，你話佢戲裡似湯告魯斯，其實佢二零一三年就想扮，於是拜託了孫健君，結果搞出咩大家都記憶猶新。他卻未能圓夢唯有再拜託邱禮濤，佢扮到了卻令觀眾心諗：「佢唔係只做拆彈喳咩？又可以咁好身手？」；同樣叫問做乜鳩的仲有個班恐怖份子，正如坐定定係天台開完槍仲唔走等死，一個二個都似只想著哂命，在上集已彈過邊會咁樣做大事法，何況今時今日靜靜雞地人無事先可以做世界冠軍，已經係小學生都知的行事常識。 

 

你窒電影言而無物本來又唔係：開場就講憤怒會摧毀一切，就係避孕套也會成為炸彈，劉華如是扮恐怖份子頭目的謝君豪也是。只係他們都係以為自己被當避孕套，像件小學雞，所謂憤怒還遠不如七十年代桂治洪的會一層層堆砌上而爆的《憤怒青年》。其實電影上部倪妮衝口而出的「我有一個計劃」，就爆出我就係要急住拆彈，於是未堆砌好炸彈去爆，觀眾就覺得最後你極其量只爆些煙花炮竹。 

 

邱禮濤或睇到李敏只寫得如此，唯有安排叫炸國金同機場，係威係勢去免除尷尬。只係時間定在二零二零二月二十六日：邱勢估唔到一隻病毒就不費吹灰之力就令一個機場近如停擺兩三年，給我係現今恐怖份子都覺付出咁多先搞到咁樣有乜謂。世事最吹你漲莫過於你竭力用斧頭劈開大樹自以為好威，怎料旁人用刀仔一鋸也令大樹倒下。 

 

《拆彈專家2》係套悲劇，唔係電影的結局，而係它生不逢時：若早兩年拍完就上，或可叫唔太老土。原本仲諗炸藥究竟有冇保質期，但這套卻另證了：係威係勢如核彈，也可於兩年後就變為濕柴拆來無謂。你若堅持不信炸彈無變質，都要慨嘆這兩年未免太神奇。