《乜代宗師》 - Be water就係打和啦濕爬？

你問我該不該在這個農曆新年撐黃子華？要計較唔係佢夠唔夠黃，還是他按樓也要拍成電影上畫。而係最簡單的他能否勾起我興趣，即使係撒旦為自己辯護的戲，只要能引到我看為何不看？問題又來了：老實說子華的過癮只在舞台上，換到銀幕上卻無癮可言。若你係認真看，咁你又能否聽落他的觀點？

時下講這麼那麼夠唔夠黃金，《乜代宗師》 (The Grand Grandmaster) 將李小龍的流水理論拿為己用，變「上善若水My friend」，抄係抄中了。但子華講的流水其實係乜，又是否和我們水流一致？

子華扮的馬飛龍，被劉心悠飾的陳真打低後，才醒悟祖傳十九代之拳法下馬後係無料到，卻仍想著在銀幕前打低陳真，又對前妻拖泥帶水喊話始終一家人：假貨、好面子、一家人，這些都似投射出中共，雖然你把馬陳看成中共和港人對壘你又會覺混亂。重點還是最後 - 馬陳無人贏卻又無人輸：就知你係一定贏唔到，卻又唔敢講輸也未嘗不可，於是Be water就係叫你避到打和，話之你避得濕濟窩囊。

我們所以為的Be water係指活著就是勝利，不被捕不流血係要來留力待日後取勝。子華卻更退一步：能和敵人握手言和就行，無話要你贏。你話子華講得難聽，其實佢不嬲講野係咁難聽：一九九九年講的「搵食啫犯法呀」擺明夠寸卻叫全場港人拍手，二十年後翻兜都係講中港人心裡所想 - 係輸唔起因為會無命，但仍能賺大陸人錢又為何不賺，前提係給你面子生意才能談。所以為何「香港獨立」仍未當成主流一句，「全民三罷」仍只聞樓梯響，始終都係大家心底句：「唔使搵食咩。」

或者對子華死忠而言，最岩聽解釋係：你可選擇唔割子華，卻無話要聽信哂他，若你係固定的，就沒有水的意義了。