《不義之戰》- 公乜撚義關我撚事

你覺得我講野難聽但我始終覺得係道理：唔係話你撐香港人我就一定要撐你，正如你開餐廳係鋪度搞哂連儂牆，但你拿屎來奉客又叫我點懲罰你好？ 

李志倫電影不嬲都口氣概大內裡洩氣，《起勢搖滾》係口講理想但都係有本事吸金才引人打救。《不義之戰》（The Fatal Raid）仲大鑊，叫怒吼問公義在那，但就如陳果《九龍不敗》般的怒氣。 

首先係李驚死你唔知，係咁要對話度還是字幕上，都要畫公仔畫出腸話公義已叫人厭煩；更要命係開頭憤然，接落去盡是搞笑：叫譚耀文唐文龍等開頭槍林彈雨很悲壯，跟住竟係何佩瑜林明禎爭風吃醋鬥賣性感，再三就係港警澳警行事都亂七八糟，唐文龍轉身搞掂澳警走甩後，吹漲畫面接種而來，仲問公義去左邊？不如問我究竟睇緊乜？ 

講返譚耀文等追問的公義，其實係一班香港警察到澳門秘密行動失事，殉職伙記收唔到安家費：說穿係把《半澤直樹》誇張十倍，只要把警察改名叫「香港/澳門警察有限公司」，就只是一場辦公室內戰：後生大波黑絲OL爭上位，老屎忽西裝骨骨高層勾心鬥角，這些改用轟烈槍戰或疾呼公義，都掩蓋不住無聊的本質。 

李志倫本來係TVB監製 – 出名人事鬥爭激烈的公司，《不義之戰》的故事根底似就是李的經歷所演化，並藉此宣洩心中積怨。若然如此還不如照直「有功歸上司有鑊下屬背」，過分抬高還要用上「黑白係良知」，義正辭嚴後竟盡是滑稽只會召人怒拋句：「你既公義關我撚事！」