《今晚打喪屍》 - 英雄？邊度英雄呀？睇過！

盧煒麟的《今晚打喪屍》 (Zombiology: Enjoy Yourself Tonight) ，據說是本年度中伏之選，但自己觀感卻不覺太差。人們大罵，「喪屍」昆你入場係一點，但更重要的是，記起園子溫的《超能勁處男》和《屍奔女子高校》，人們也在叫罵垃圾，自己又係覺得並不是一無是處。公平起見，我有需要為這套辯護了。

當然，片名搞到非常不老實真係抵罵，引人們抱著睇《屍殺列車》的期待而買票，結果只上半部就令人叫喊：「媽，為何結果不是我想的那樣？」或者避免被人告違反商品說明條件，中段才開始鋪排喪屍出現。當然既然喪屍只係個羊頭，那喪屍追殺就玩得只像百人衝擊波，毫無壓迫感，你太「認真」去睇，那真會覺得太沒誠意，難怪大家都嚷要打零分。

正如園子溫迷會如此維護《超能勁處男》：「圓子溫只係借又唔係真去賣弄女性肉體！」《今晚打喪屍》唔係真係講喪屍那在講甚麼？香港電影其實還真鐘意講男人，上半部的兄弟情講得很表面，父子情講多一點還未係最重要。重點係開頭的拯救地球漫畫，龍 (白只) 和治讓 (張繼聰) 很喜歡扮英雄「天地雙龍」：男人為何自覺得係男人？只因為英雄之存在。由古代之游俠，至現代荷里活之英雄人物，英雄係作為男人嚮往及模仿，因而建立起大男人。龍和龍父於臨死前都挺身捐軀抵擋敵人以助同伴逃跑，歸根究底都係英雄心作祟。奈何和平時期，根本就用不著英雄，故此現今香港電影裡的男人都小男人，只因生活太安穩，安穩對男人而言，某程度也是一種咀咒。

於是被罵不倫不類的結尾，其實也是導演對男人的嘲諷：當要保護的同伴都變為喪屍時，龍的捨身就義又有何意義？講到底龍呈英雄都只是死要面子，正如被人狂摑都要死頂話唔痛。而結局就係龍轉叫：「真係好撚痛。」繼而一刀插入自心。《屍奔女子高校》裡的玲奈如此來鬥倒命運，龍如此可算係示弱以作放下大男人的背負，以作放過自己，都係爭取自由。當然你會否欣賞盧煒麟如此意思，你諗你了。

若要再給多個批評，那就係顏卓靈很努力，卻還真係很多餘，so9sad。