《原諒他77次》 (77 Heartbreaks) 話係李敏的原創故事，卻似係黃真真幾年前《分手說愛你》時都講過了。
當時「廢青」房祖明薜凱琪口說無錢卻過著住半山的中產生活，今日邱禮濤就坦白一點：蔡卓妍（Eva）係律師，周柏豪（Adam）更可靠父幹；房薜當年的離離合合，都係女方受不了男方的孩子氣，今日Eva離開Adam也是如此。最後就係男人要反省自身的錯誤，來挽救感情云云，都唔止係黃真真才會講這套的了。
其他導演去講，又會感到老撚土，唯係邱禮濤去導，卻又叫有一絲有趣：看似矛盾，其實並不，早就話邱係左膠。由《兇手還未睡》到《失眠》，邱怎看男女間的關係，這套也如此承接。
《原諒他77次》起名自馬太福音裡，耶穌教門徒要不斷去寬恕人。若借耶穌的比喻用在感情上其實格格不入，或者更合切係一個笑話：兒子問父親甚麼是婚姻，父親叫兒子：「你先向我道歉先。」兒子反問：「爸，我做錯了甚麼事嗎？」父親：「不用問你到底做錯甚麼，總之你先向我道歉。」兒子：「好，爸，對唔住。」父親：「嗱，婚姻就是這回事。」
既然要原諒他77次，那究竟「他」Adam做錯甚麼？其實部分「罪名」很是可圈可點：Adam唔做律師另做拳擊教練，都係打份工，Eva卻就怪他唔踏實；Adam和Eva父親由時事到球賽都爭辯一餐，兩個大男人很會坦承相對，Eva卻就嫌Adam令他成為磨心；最後Adam的「出軌」，更係叫他啞子食黃蓮。歸根究底耶穌為何要被釘上十架？乃係要為人的原罪而犧牲；邱禮濤或李敏眼中的男女關係，男人從來都係高牆，女人就係雞蛋，按那句「高牆和雞蛋之間，我必站在雞蛋那一方。」男人因而理應承受更多的千夫所指與罪責，故此最後要挽救感情，出手的責任還是全在男方身上。懶理女方會指斥男人沒問詢她而辭職，但卻又隱瞞他去墜胎 - 女人在感情中豈會無錯無責？
Eva和Adam的分手，本來就只係男女之間渡不過七年之癢的結果而已。卻就變為女對男的不著大數算 ，都係個句女人像個怨婦只會埋怨誰對你唔住還真是討厭。男人正如Adam最後要口啞啞承受一切之不是，某程度話邱禮濤就算左膠還是膠有膠著，只因其刺破男女平等係永遠無法實現的幻影，皆因你們一直視女人係雞蛋。
沒有留言:
張貼留言