《同囚》 - 如何諷刺一個無恥的制度？

黃國權的《同囚》 (With Prisoners) 係沒甚麼吸引力，唔係因為佢很廉價，畢竟平有平玩法，而係它唔會去盡。

話佢平只因選角陣容，本來游學修做MK仔做得唯俏唯妙，但關楚耀扮戇直抱有理想阿Sir卻相當不妙，唔問他的往事，近看仍見他一陣古惑味又怎扮下去？反正那有錢，還不如叫李國麟由頭帶到頭尾，叫他做做下有些少惻隱之心，可能更有說服力。

電影係沒有看頭的三級，又唔係打犯打到血肉橫飛，更唔係游在驗身時讓你看到他的大鵰，只係不斷的撚同屌你老母而已。最頂隱的是，片未一個疑似退休懲教主任講返，對比起實質的毆打，用言語重創你才令你傷得最嚴重。所謂侮辱言語，只係不斷的屌你老母，出返戲院，明天又有幾多個香港人唔駛帶老母返工？加上游還真太似MK，別怪觀眾連句：「駛唔駛呀？」都懶得去問。

當然，港產監獄片雖也不少，但就好像沒那套講過勞教中心，故也有一定價值：勞教中心不同監獄，入册的都要接受軍訓式訓練，步操、絕對服從教官不在話下。你會問軍人接受軍訓只因要確保作戰時的紀律，在勞教中心對囚犯玩軍訓又有咩用？這只如關楚耀最後「良心發現」篤爆的，是將囚犯練成沒主見的機械人易於管理而已，根本不在乎會否教曉你向善。

諷刺的是，勞教中心只收容廿五歲以下的少年犯。監獄都不會用上這套制度，只因成人難以操控，硬對監獄囚犯施行侮辱式軍訓，輕則三日一騷亂五日一暴動，懲教署都係一班打工仔，只係想「做好呢份工」，每日平平安安收工了事。施軍訓的對象就只限於軟弱又少不更事的年青人，就係影射制度只會怯強淩弱的無恥。

最後關楚耀「大爆內幕」，其實唔係真良心發現，只係未婚妻走佬，心灰意冷下變相發洩怨氣在自己同事身上，故作正義都係無恥。其實要突顯這個制度無恥夾無用，最後該是游學修出返來卻死性不改，再聯群結隊作惡，再高叫：「今日我廿五歲啦！吹咩！」。