小弟常云不應先入為主，但也明白未審先判總係會有理由：張藝謀的《滿城盡帶黃金甲》已係十年前，但眾女谷胸、沒理的千軍萬馬，浮誇惡俗叫人記憶猶新。《長城》 (The Great Wall) 的萬獸眾圍，等同當年所謂的大曬冷大場面，你總會懷疑張到底會唔會吸取教訓。
小弟不擅論畫面美學，亦不懂評景甜好戲與否，只論故事：係中西交手面對大地反撲，William Garin等西方人一部份描繪為中共最鍾意講的別有用心，另一部份亦刻為有見義勇為之騎士精神；中國人林梅以諷William常效不同主人以示自己忠心不二，但效忠的皇帝卻係懼弱未成大器。
重點還是長城，和它所防禦的：契丹人、西方人、到饕餮，總之一切外來的都擋在牆外，還記得Beyond那首歌：「圍著老去的國度，圍著事實的真相，圍著浩瀚的歲月，圍著慾望與理想。」長城唔止係防敵，更重要係包圍自己，繼續自欺欺人。長城裡的人始終唔會理解到外面的人會有多聰明：饕餮也會你有張良計我有過牆梯，也會掘地道穿過長城直搗黃龍。
饕餮殺入首都，小皇帝懼弱只管躲在龍椅後束手無策 - 既諷當今那無形的牆，也串不論中共還是這國度自古以來，都係外強中乾。只係張藝謀始終仁慈，最終還是強調國人人定勝天，就此帶過自我反省的機會。張藝謀花了數億，找來了麥迪文，卻只換來唔爛都偷笑的地步，只因他唔夠彊而限死自己。正如最後William Garin等離去，但已證沒用的長城依舊仍在，說明張如何的無可奈何。
沒有留言:
張貼留言