其實，錢國偉「從良」係好定唔好？就咁睇《綁架丁丁當》 (Kidnap Ding Ding Don)，我就覺得唔係咁好。
呢兩年錢已經收斂左唔少，對比以前的靚女成群，今次只賣一個許雅婷，還反叫方力申賣肉益返港女觀眾。夜場燈紅酒綠不再見於呢套，反而看到的係王苑之的神經港女、好男色的江美儀、諸事八掛朱咪咪、魚蛋佬許紹雄......配角也個性突顯，像三谷幸喜的《銀河街道搞搞搞》。但錢拍下的西貢，也像圓子溫造出的豐橋市，這套更似係錢國偉唔夠「筆直」冇的哂o靚模慳皮搞出的《超能勁處男》 - 拍四次恐嚇片，如鴨川的幻想不斷reload一樣煩膠。圓子溫叫你臉紅，錢也叫你突兀，但圓好歹也滿足到你班好色之徒。錢卻只賣得許雅婷，更多係無啥好賣的王苑之，錢國偉呀錢國偉，點解想你咸濕時你偏要收斂？
至於「從良」的錢，會否係有心想傾乜？朋友Ah Mo看錢有意講人倫關係：除方力申王莞之的男與女 - 男人如何凶猛也在女人裙前腳軟，這十年來港產片強調的男女關係現實。或江美儀阿Bob的婚姻，搬返山田洋次《嫲煩家族》講的要間唔中發洩一輪才能維持長久。重點還是石修王苑之的父女之間 - 龔慈恩掃冧靈位，說其生前就係如此好會淩亂，道出任何人都會有所不完美，石才省悟到他和女兒的問題所在，這也叫人動容。但正如Ah Mo看出：「深入看，則探本溯源，寫緊香港青年如何被家庭制度戕害，無法獨立。」錢真的看通現代人倫？別對他太有信心。
早就知，《喜愛夜蒲3》竟然最後高呼夜場尋真愛，若你說山田洋次係個懶保守的偽君子，錢國偉卻更係件無膽去挑戰的假膠。戲裡王苑之用盡一切手段最後出埋綁架去博取父親關心，但請問王幾多歲？不論真實還是戲中扮出來，唔講到三字咁無禮貌都有二字啦。堂堂大人好應自立自理那用你理，但錢或就迎合所謂父母眼中兒女永遠都係細路的意識，也就夾硬把個大人壓成無法自理的細路。所以話，錢國偉從良唔一定就好，有時比他咸濕仲不知所謂。
沒有留言:
張貼留言