《尋秦記》導演又係吳炫輝只再搭個黎震龍，且又係天下一古天龍，大家都諗到又係《明日戰記》（Back to the Past）咁款既嘢，只係挑聲沒上次咁多， 大概情懷就是一切，尤其見到吳千語扮馬小玲扮到慘不忍睹，《尋》仲可以古天樂林峯宣萱鄧一君甚至搵埋雪兒做彩蛋，幾電視劇版八成人班出現，大家都覺應俾足一百分。
既然無嘢好挑又要找點去寫，不如轉問另樣：項少龍（古天樂飾）去時廖啟智扮的烏博士口口聲叫不可改變歷史，唯項的出現令歷史注定改變，只係其叫偶引去小路，最終行返大路也係叫不知不覺，就係贏政（林峯飾）究竟出於莊襄王還是呂不韋定真係趙盤，都已無從考究。
所以無論項返去講英文，還是Ken （苗僑偉飾）帶槍炮子彈，似表面沒改歷史走勢，唯諗深一層：表面而已，按有雞先定有蛋先的論調，事物唔會憑空而出，考究起來會否開頭係項帶了雞返去而我們唔察覺？
諗到一樣似係項帶返去而生了蛋的雞，那是他與贏政的情誼，也就係兄弟情。
兄弟對古天樂而言不罕見，《掃毒》佢都做到淋漓盡致，具體而言係男人彼此不問自身利害去扶持彼此出身入死。這不同於俠義或與滕翼 (黃文標飾) 或善柔 (滕麗名飾) ，因這些都留於同一平民階層，唯與贏政卻顯得平民帝王間有跨階級的情誼。
你實窒兄弟情豈定係項獨創：同時期燕太子丹荊軻間豈不亦是這樣？或者要翻查例子多不勝數，只想講的是以當時似不鼓勵這樣：儒家會指項係小人難養，各家各派亦側重治國權術，尤其贏政自身屢嘗失權之苦，後又差點被荊軻行刺，對人猜疑到頂端，項見狀也自然愈走愈遠。
贏政有否想過殺項，他也自認有，只係「想同做係兩回事」，但最後他沒有下手，而當其係徐福而把他埋沒於歷史。贏政放過他原因或很多，只係你想要個浪漫化解釋就只這個。你問假若項少龍與贏政兄弟情當真，歷史會否走向另一邊？但其實還是會行返大路，始終兄弟情只兩個男人之間，正如睇返電視劇版，看為何贏政要焚書坑儒。
沒有留言:
張貼留言