《狂野時代》- 浪漫小李飛刀

《狂野時代》（Resurrection）上年十一月尾上畫待到過埋年現在先睇，原因一係片長一百六十分鐘太長，另導演係畢贛：上次《地球最後的夜晚》太故弄玄虛，覺沒精神時間應酬他如此手法。拖到今日才有空一看，怎料這次好懂過上次很多。 

 

見舒淇默片長鏡頭，即想到畢在致敬侯孝賢《最好的時光》- 只係大她者打開迷魂者的夢再多一個達四個：日本侵略陰霾下的上海灘、五十年代的盜寺者、八十年代超能力潮、一九九九年年尾接至新世紀。 

 

如此架構你又覺似係《雲圖》（Cloud Atlas），唯那套明確都係追尋自由，這套每故每故分界明顯卻看不清共同主旨，豆瓣裡這套評分只有六且酸聲不斷，大家覺畢又如《地球》般只顧浪漫懶理你明。只係畢沒上次窩囊，很理直氣壯地道給情書唔駛理由，喜歡你就無須搞清楚名字及懶理係吸血鬼，浪漫主義就係無須解釋喜歡你就盡情美化你。 

 

所以你要畢最簡單解他成套說甚麼，他可能就播起羅文的《小李飛刀》：刀光劍影兒女私情，擺在一起就如世紀未一晚混混亂亂，只係顧嘉輝把倆詩意包裝，你聽得上就懶理狗屁不通。《狂野時代》評分很極端，唔理解的當然給零，看上就給夠最高，只因為人都應敢愛敢恨，自己喜歡就敢於不顧旁人嘲諷。畢贛給電影情書，你彈像二世祖用金粉寫信，但我卻欣賞他的勇敢。