《金童》- 漏了大道氣的雪碧

陳維冠導演的《金童》（Golden Boy），由張繼聰主演 - 年頭此君見某行家嚷看了某套賀歲0.7覺質素差到唔尊重觀眾故今年賀歲片票房差係合理，於是踏上行家臉書大罵以後罷看其頁。原本其斬錯人笑料一單，但大家都見識此君氣量，於是此套上映時都唔見有誰來評。小弟卻覺自己這博現在都沒啥人氣，若博到此君上來反而可呃多一點點擊，反正我平日睇戲都係出真金白銀。 

 

開場不久還有點不知所措：見海報以為這就張一人獨腳，卻見出演又曾志偉韋羅沙林雪李靖筠，接著唔具名卻又唔似路人甲角色愈來愈多，心諗這唔又係另一套《激戰》為啥搵咁多人？重點係九十分鐘咁多人又真塞得落？ 

 

話係《激》卻就輕挑，張似早些年的張家輝滑稽式古惑，只係十年前誤打死人卻唔見背負罪孽，重遇兒子劉皓嵐想在其身上撈三百萬，劉對白咬文嚼字，還好搭起張就演得像相聲。 

 

問題在陳或以為很多嘢唔需要畫公仔畫出腸，結果只得九十分鐘問題去到中段就暴露：話雖可如《惠子的凝視》般打拳唔需甚麼理由，但你現在仿《激》：打就為著某些而打，卻中段只受了傷就全氣餒，觀眾覺得你兒戲，你係無理由怨觀眾唔自己腦補；同樣也發生在曾李兩父女上，愈近最後一戰就愈顯得甩甩漏漏，扮《激》卻沒那種激，只因成套就係漏了大道氣的雪碧。 

 

最後張贏賽倒地成植物人，或許最後有彩蛋交代醒唔醒得返，但我又見出字幕就離開戲院。對某人而言我只看了0.9套有咩資格去評，我會駁你明知這0.1不可少，那你還會孤寒二十分鐘唔去講足一點。當然陳維冠未必那麼小氣，若那男主角又衝上小弟這博，我有點善心或勸他不要把氣用在現實，留在電影裡去吧。