《私家偵探》- 話大唔大話細唔細的綠帽

 

李子俊周汶儒的《私家偵探》 (Behind the Shadows)，優先上畫後負皮聲彼起彼落，聽後正場去看反未太過失望：古天樂又係寸嘴市井，周秀娜仍持秀色並坦率地潑辣，你當我就只為睇娜姐，佢唔算失色也唔駛太計較。

 

唔好娜姐的你說在意係掛鄭保瑞監製，卻又未長江後浪推前浪：就算話《私家》開頭講明只係小偵探而唔係福爾摩斯，但《命案》還是《意外》，豈不是市井小人物帶出奇情奇案？看你現在的案，由頭到尾都只呢三樣：綠帽、綠帽、綠帽，有乜好奇？ 

 

話雖香港人心知，綠帽要吹還可以吹很大：正如這套上映之日，六年前又係一座城市市民奮戰的開端，這一切都係來自一頂綠帽引發的蝴蝶效應。來到這套的劉冠廷，當年輕有為警察，卻因被戴綠帽而走火入魔，就像現在躲在深山打機渡日的陳姓男子。只係最後劉被找上也就魔不壓正地脆完，唔係陳生咁後續至今未解決。觀眾就挑你這綠帽就只如江門，係江門古天樂都彈的話大唔大話細唔細。 

 

還想為何如此看似人畜無害故事要遠赴馬來西亞，原來驚綠帽殺人令你諗起2019。問題唔諗你又嫌為綠帽搞咁多嘢無撚嘢，諗起你又彈明明可玩到世界大戰你又搞到咁小兒科。或者《私家偵探》一重教育意思係教你唔好亂咁俾帽人帶，只因綠帽的麻撚煩到係遠超你想像。