《大風殺》- 沙漠之撚位

 

就国產而論，張琪的《大風殺》(Trapped) 玩法不算新鮮：沙漠內的困獸鬥，寧浩 (《無人區》) 或張藝謀 (《三槍拍案驚奇》) 都玩過。

話雖拍攝地內蒙沙漠、九十年級風荒廢小鎮、蒙文夾簡體字、公安制服等，望落很中国，但你又會覺得有點泊來味，如似「獨行俠」還是《風塵三俠決戰地獄鬥》，但最後仍覺扮不來：白客扮的公安夏然對辛柏青扮的桿匪老大北山，就係純粹的正對邪，每個角色單調唔複雜，聯想到故事發展點都係跟主旋律邪不壓正。其實難怪，就係《除暴》最有條件玩得複雜卻還是壯志未酬。

 

豆瓣有一篇分析：問北山為何重視啞吧拍檔舌頭 (李感)？舌頭之死為何讓他心灰意冷？只因為舌頭是讓北山感到其舊時代還存在，所謂舊時代係指《英雄本色》那舊時 - 那是一講求忠心兄弟伙伴齊上齊落共同進退之時。唯你這樣做給香港人看其只覺你畫虎不成反類犬：世上係沒有無條件的忠心，Mark哥更大程度係為爭一口氣，現換作這舌頭，觀眾只覺你唔係為錢那就只係愚忠，這與Mark哥根本兩回事，亦為觀眾所不屑。見你自以為做唔到真大佬而自暴自棄，就只覺你只係中二病，先前好歹兇桿狡詐，卻又給你一嘢抺殺。

 

其實你又可當這套係正經化《社團之撚位》，反正都係為利相殺，只係最後高舉膠櫈係公安而唔係社團裡人。問題係原本唔正經起碼夠邪典，現在又給你搞得正經，結果就搞到悶上加悶。當然你可當夏然最後拿得份「警聲」仲無意義過膠櫈，難怪佢最後還是棄鎮落深圳。