你逐漸會發覺，劉德華近年主演的都有個毛病：就算叫故事純屬虛構，都唔係脫離現實到冇譜，「天機」係完全離乜譜、《危機航線》叫係物理上，《焚城》(Cesium Fallout) 則係政治現實上，縱使你辯故事係潘耀明度，其實關佢叉事。
首先劉華轉做垃圾博士前做財政司，大幅簡化貨櫃報關累死自己做消防的老婆，講得已夠牽強。跟住保安局消防署長齊聲和議署理特首莫文蔚「一切都係佢的錯」，其實財政司只制政策大方向，豈會為海關執法消防救災呢D細節負責？
接著話搞疏散，就要搵N咁多部旅遊巴把北區居民集體接向南，在座觀眾稍有點地理常識也會問：唔係該叫深圳開關向北撤退嗎？更重要以前《赤道》香港想自己搞掂核彈，北京即派官來喝住。皇后山唔止近深圳，也近石崗機場，中央豈會毫不知情？現實莫仲要搞掂「西環」的質問；香港消防得八件保護衣搞唔掂？唔係中央會派解放軍核專家來支援嗎？令人詫異係過了国安法後香港電影卻更加斗膽，邱禮濤已係咁樣，依家連潘都係無視北邊有深圳，排除中国，把香港講成獨立孤島要自己搞掂。
但潘又似識趣講到「港毒」係無條件， 政府最高頂層裡沒個像政治家：鄭則士林保怡等保安官員像莫的擦鞋仔唯唯諾諾、莫說不服卻又沿用劉訂下的文件規則、張松枝的食物及衞生局局長竟仲話驚給人投訴、區嘉雯的天文台長驚惶失惜到笑撚死人
- 成班仲覺得自己只係打份工，沒個夠膽出來擔當，就係《曹劌論戰》講的肉食者。
近尾劉華又在表演燥狂：「呢個世界唔係啲有錢佬玩晒㗎！」你話側面暴露如此政制政府就係無能，唯有待人打救；另邊廂市面縱使一片混亂，但仍有塞車時一呼百應推開油車讓路白車，似重演「摩西過紅海」。鏡頭轉到災場，消防員多番懶理上頭指令，為救自己同袍，至百萬市民：政府無能不打緊，就係話港人早已懶理政府，懂得自救，才是中共忌憚。其實最要命係直到最後，電影講皇后山至粉嶺上水等受污染到如何，卻點都無講深圳河以北。就是叫你無視肉食者也無視大陸，若潘耀明日後真遇到有人上門，要自保似就只好自認：「我就係亂吹到無譜囉。」
沒有留言:
張貼留言