《石門》- 負值一卡通

 

黃驥及大塚龍治的《石門》（Stonewalling），為其女性三部曲最終，其倆睇女性還真睇得夠現實。 

 

主角林森的姚紅貴，論其秀色係唔輸黃堯，但無論她穿上空姐制服，還是坦胸露點，都唔會勾起你一絲性興奮，直白講就係唔好J。一來拍著她赤裸上身時係寒背兼瘦削得似惡性營養不良，二來雖唔係口黑面黑，但鮮見到其笑，似常對眼前生活一臉無奈。 

 

開始你還以為內容偏散不知終點少女日記，至林懷孕，想到做代母為母親頂債，才知曉故事如何推進。看都是林懷孕期間，周邊的光怪陸離：林原本想賣卵，也稍多側重看賣卵業：由賣卵者寄居宿舍，到買賣雙方見面，買家像公司人力資源面試官問長問短，明明孩子後天培養為重，買家卻想依賴「母親」先天遺傳，也幾可笑。 

 

林森也頗像《小曉》，父母都係大麻煩，唔係搞到周身債就係一言不合拿刀互劈。另邊林父卻又充起長輩著買家女要好好照顧嬰兒，如《漢南夏日》般，導演早看穿男人都係外強中乾：林懷胎七月時告之求口罩的男友，男友只無力般說讓他考慮一下要不要留住自己的孩子，無能就係無能，就算窮如《誰調換了我的父親》，你豈會聽到有人嚷買走你的兒子你怎唔會生氣得一手推開？

 

《石門》除指戲裡場景湖南常德石門，重點這為女性生殖器之中醫穴位叫稱，無獨有偶香港也以門，再加西字稱之。港坊間常笑話用個閪當八達通咁嘟，令人想起這國當女人結婚也可討幾十萬禮金毫不客氣，這個林森為何要生活得如此委屈？真不懂以姿色讓自己生活舒坦？大概黃驥就係女人，就告訴你別想現實那麼美，表面你以為女人都係張一卡通，但你卻沒看清楚其實張張內裡負數。 只係寶寶心裡苦但寶寶不說，係女人才懂女人這麼難搞。