《天龍八部之喬峰傳》- 宇宙最強隔離左右最戇鳩

 

其實細心睇電影片頭，係會睇到導演名字係打著闞家偉，只係接著又打出個「總導演」：名叫甄子丹 - 咁無計了，咩都要入哂你數。

若電影如《一個人的武林》，宇宙最強就一味只顧打打打，無問題。但這叫《天龍八部之喬峰傳》(Sakra) ，本來就係有酒有故事，唔係一味拳頭相向刀劍交峰就得。更弊的係丹爺似幻聽到觀眾會叫嚷：「你地打啦好悶呀。」於是佢自己按耐不住，叫所謂江湖中人少林高僧結拜兄弟，問都唔問查都唔查就指人謀害同伴師父養父母。只因為講多無謂，結果就係隔離左右全盤皆戇鳩。最諷刺係甄自己戇埋一份，聽下就信誤殺自己相好。

 

總括就係成套戲故事薄弱，就算只講喬峰，要講順旁人關係都要三個鐘。甚麼江湖情義都只係一句過，王君馨扮的馬夫人自以為絶色最爆笑。略知《天龍八部》都嫌你只契丹狗前sit down狗後太求奇，外國觀眾或更R頭：既然宇宙最強，點解唔學《一拳超人》打都一野過？